(القرار)
ج ر ج س – جرجس اسمك غالي عليّا
يا بطل يا روماني بدمك أرضنا مرويّة
وتيجان على راسك كلّلت بحُلّة سماويّة
وكمان شهيدين على اسمك لمسيا
(1)
الجيم: جرجس وأمير لجيوش الرومانيّة
والرّاء: ربنا أداله كتير نعمة قويّة
والجيم تاني: جرجس وأمير شهداء المسيحيّة
والسين: ساند وسريع الندَهه وجنبيّه
(القرار)
ج ر ج س – جرجس اسمك غالي عليّا
يا بطل يا روماني بدمك أرضنا مرويّة
وتيجان على راسك كلّلت بحُلّة سماويّة
وكمان شهيدين على اسمك لمسيا
(2)
الجيم: جاهد وسنين سبعة والنصرة قويّة
والرّاء: رفض الأوثان ولا يسجد لأحجار أرضيّة
والجيم تاني: جرجس يتعذّب ولا ينكر ليّا
والسين: ساب المجد وتمسّك فيّا
(القرار)
ج ر ج س – جرجس اسمك غالي عليّا
يا بطل يا روماني بدمك أرضنا مرويّة
وتيجان على راسك كلّلت بحُلّة سماويّة
وكمان شهيدين على اسمك لمسيا
(3)
الجيم: جد ما زيه حد، لما نطلب ما بيتأخّرش عليّا
والرّاء: ربنا ساند وبجد أعظم شهداء المسيحيّة
والجيم لتاني: جوه الصورة ماسك بالحربة وإيده قويّة
والسين: ساكن في كنيسته، دي عروسته ودايمًا محميّة
(القرار)
ج ر ج س – جرجس اسمك غالي عليّا
يا بطل يا روماني بدمك أرضنا مرويّة
وتيجان على راسك كلّلت بحُلّة سماويّة
وكمان شهيدين على اسمك لمسيّا
✍️ممدوح الديري ✍️
