محمد يونس
أقر و أعترف أنني لا أفهم في كرة القدم ..و لا أشاهد المباريات الخارجية أو أشجع ريال مدريد أو مانشيستر يونايتد  .. أو أتعصب لمو صلاح .. و لا أتابع الدورى السعودى أو التركي أو حتي المصرى  ..و لكنني  بصفتي  عضوا في النادى الأهلي أحرص علي مشاهدة مباريات  فريقي ..و أسعد و أتنفخ قوى لما يؤدى  بصورة جيدة ..و يكسب..وأضحك من قلبي لما الفرق الأخرى تخاف منه و تعمل له الف حساب .

 بعد إنسحابه غير المبرر أمام الزمالك في الدورى اللي فات .. وذهابة لامريكا و خيبته اللي م وردت علي حد ..و حالي يصعب علي الكافر.. 

بقي دى الفرقة اللي كانت مشرفانا ..و مخليانا .. نبص من فوق .. علي بتوع بيراميدز و الزمالك .. و سيراميكا كليوباترا..وفاركو و أخواتها في السعودية و  الخليج ..و بلاد الواق الواق . 

 بالبحث و التقصي و تشغيل المخ غير الكروى ..وجدت إن الناس الفالحة المتعنتظة  اللي بتدير الفريق إشترت  خرج بيت الزمالك   اللعيبة اللي  إستهلكهم .. و خلص عليهم ..و سوء أخلاقهم  و خلاهم   ميساوش في عالم كرة القدم تلاته مليم .

.و إنهم دفعوا فيهم الملايين ..وإن البهوات الجدد  أثاروا الغيرة و النزاعات في الفريق اللي كان ناجحا .. فتحول إلي موظفين فاقدين الروح محبطين  .. مكسور خاطرهم .. و هم يتساءلون .. إيه في العيال .. اللي رماهم الزمالك .. يخلي ناسنا تدفع فيهم كل دة ..و تبخل علينا ..
 
و أصبح فريق الكرة .. أفراد يحاول كل منهم أن يثبت أمرين..  إن اللي غاووهم وإشتروهم ..غيظا في المنافس .. شوية مرتزقه لا قيمة لهم غير في عمل المشاكل .

.و إن علي القدام اللي شالو الفريق يدوروا علي مستقبلهم بلا ..و لاء ..و إنتماء .. بلا نيلة .. الدنيا مصالح.

أنا شخصيا بعد الدراسة و الفحص .. بصفتي بتحرق دمي كلما شاهدت مباراة للاهلي ..
 أرى أن العيب في الإدارة ..و أقترح إنهم يتعاقدوا  مع معالج  نفساني يساعدهم (  أى  الإدارة )  علي التخلص  من الإحساس بالشعور بالتقص و الدونية أمام  لعيبة الغير ... و يخليهم .. يبصوا علي الناس المحترفة غير المحلية  اللي بتعرف الفرق الأخرى  تختارهم وتشتريهم واحد منهم جاب تلات اجوان امبارح في السعودية ..

 مش زى اللعيبة والمدربين خرج الملاعب اللي بنصرف عليهم دم قلبنا ..و لم نحظي بمدرب عدل منذ مانويل جوزية ..أو  لعيبة مثل فلافيو و جلبرتو 

..منتظر ترشيحاتكم  لدكتور نطاسي يعرف يعالج لجان الأهلي المسئولة عن إختيار  اللعيبة.الجدد .و المدربين .. و يصرف تأثير عفاريت  السماسرة  و أعمالهم السفلية عنهم