ماجدة سيدهم
كل عمليات سرقة القبطيات المخطط لها برأس تعلب بتم  فقط  كيدا في المسيحين .. ولا يفرق معاهم أسلمة ميرنا  ولا دميانة ولا فلانة ولاعلانة  ولا عشرات غيرهم ..

  فكل البنات دي مهما كانت ظروفهم  همة مش أكتر  من أنهم  أدوات نكاية وانتقام شرس في المسيحين  فقط..ودي لعبة كبيرة ورخيصة وفلوسها بالكوم 
شوية نقط ..

* اتحدى لو شوفوتوا بنت واحدة من اللي راحوا  حتى لو هي اللي اختارت .. اتنصفت وبقا لها قيمة ولا ظهرت تاني محققة نجاحات مثلا ولابقت واجهة مرموقة ولا على الأقل بقا  لها قيمة أو ودخلت وسط عائلة محترمة .. ماحدش سأل من بتوع نصرة الدين البنات دي بتختفي فين بعد كدا  .؟!
كلهم مصيرهم الشارع  وبتقع في ايد مجاهد سرسجي تاني بعد مايسدوا أدامهم كل فرص العودة لأهاليهم او لديانتهم الأم .
ليه بقول كيدية..

* لأن للأسف فيه حالات كتير بعد ماتتزوج  المحروس بيشرط عليها  كل مرة وقبل العلاقة وأدام أخواته أنها تبصق على الصليب وتدوس على الإنجيل وتسب  المسيح بأحط  الألفاظ ..وأكتر من كدا بيحصل ..

طيب  يامجاهد هي مش خلاص شكرت ربك على نعمة الإسلام  وهيصتوا لنصرة الأخلاق وبقت موحدة وحجاب معتبر ومعاها شهادة موثقة أاااد كده ..محروقين ليه من الصليب  ومن شخص المسيح.. ماتسبوها تعيش زيكم  مسلمة ؟! 

* ليه بقول كيدية ..لأن لو فكرت أي واحدة في العودة بتكون مهددة بقتل أسرتها أو بنشر مقاطع فاضحة لها .. يعني الأسلمة مش الهدف دي بس أول خطوة في خطة الانتقام  ولا بتشفي غليل المجاهدين ..هم عاوز المزيد من الظلم والضغط والعنف اللي يحرق قلب المسيحين كلهم على بنتهم حتى لو غلطانة ..انشالله تولع الدنيا كلها ..طيب هو كام كنيسة اتحرقت لحد دلوقتي وكام إعتداء على المسيحين بالعالم كله ومافيش حاجة بتبرد نارهم ..خاصة وأن رد الفعل دايما بيعلي قيمة الوطن  ولإنسانية فوق أي اعتبار ودا بيزود الغل أكتر .. 

* حد فيكوا شاف واحد محترم  ومتربي وابن ناس ونزل للمستوى الرخيص دا وغرر وابتز بنت مش من ديانته ..الحقيقة ولاد الأصول مستحيل يعملوا  كدا مع اي بنت على السواء ..لأنهم شبعانين 

* طيب مش كفاية كدا ولا إيه . هي الليلة مش هاتخلص ..هي ظروفنا  دلوقت  تسمح بأي ضغوط من جوه ..مش نعقل كدا ونفوق شوية ولا أعمل نفسي مش مهتم و عندي الأهم  ..للأسف الخونة اللي جوه أخطر جدااا من اللي برا ..