ديڤيد ويصا
فيه فترات صعبة في حياتي، وفي حياتنا كلنا ..
بقيت بعدها شخصيّة، غير ما كُنت قبلها ..

لكن اختباري الشّخصي هو ..
إني في الفترات دي ..

كل ما كُنت منفتِح على مُعاملات الله ومتجاوب معاها ..
كل ما كانت الشّخصيّة اللي بعد كده أفضل وأنضَج وأنضَف ..

وكانت النتيجة إيجابيّة، ليَّ وللي حواليَّ!
وكل ما كُنت مُعانِد لعمل الله ورافض ليه ..

كل ما كانت الشّخصيّة اللي بعد كده أسوأ وأضعَف ..
وكانت النتيجة سلبيّة، ليَّ وللي حواليَّ!
--

السؤال مش الفترة دي بتكون صعبة ولا لأ ..
لأنها بالتأكيد بتكن صعبة ومليانة تحدّيات!

لكن السؤال هو:
هل انا بعيش الفترة دي في رحلة لوحدي، وبدماغي ..
ولا ماسك في إيدين الله وقابِل مشيئته ومعاملاته ومتجاوب معاها ..
مهما كانت مفهومة في وقت وغامضة وغريبة في وقت تاني؟
ديڤيد ويصا