كتب - محرر الاقباط متحدون
قال الإعلامي إبراهيم عيسى :"حين يلتفت المرء الآن إلى واقع الحياة في مصر ، سواء على مستوى المجتمع أو خاصة على مستوى الدولة، يجد محاولة لاستنساخ عصر ومنهج جمال عبد الناصر بشكل هائل ورهيب، ولا سيما على مستوى الدولة.
مضيفا عبر قناته على يوتيوب:" والاستنساخ ده مش معناه استعادة أفكاره بقدر ما هو استعادة منهجه، استنساخ منهجه، منهج الحكم.
وتابع :" وعلى مستوى المجتمع، قطاع منه عنده حنين لجمال عبد الناصر، حنين للزعامة وحنين عاطفي.
وواصل :"وحنين يتحدث على أنه كان يقدم لبلاده ولوطنه الأشياء العظيمة الرائعة الفظيعة الرهيبة اللي الناصريين بيمجدوا فيها وطول الوقت يقرعوا كل من ينتقد جمال عبد الناصر باعتبار إنه: إزاي بتقول كدة على الراجل العظيم الزعيم؟!.
وتابع :"وشايفين صوره، شايفين قد إيه عطفه على الفقراء، شايفين كان بيخاطب الملوك إزاي، شوفوا كان بيعامل أمريكا إزاي، حاجات اللي هو يعني تستدعي بالفعل التأمل في صواب وسلامة هذه الرؤية.
مضيفا :" أنتم لا عارفين جمال عبد الناصر ولا عارفين سياسته، ولما بتنفذوا أو بتفكروا أو بتطبقوا سياسة، بتطبقوا سياسة جمال عبد الناصر نفسه قال إنها فاشلة،جمال عبد الناصر قال على نظامه إنه نظام فاشل.
