✍️ ممدوح الدِّيري ✍️
طَيِّب، إنتَ وحقَّك ضايِع
واللِّي اتشَطَّر مَع الخايبِين
ماشْيَة الدُّنيا وحقَّك راجِع
قُولِي يا شاطر هتروح فِين؟
أيوه، بنضحَك على نَفسينا
زي ما رُحنا زي ما جِينا
بُصّوا وشوفوا النّاس قبلينا
مِشُيوا وسابُوا كُل مواضِع
مِيلْ، شِيل الحِمل معايا
ليه بتُتْعِب قلبي كفاية؟
تِسرق ليه مَن العُمر شقايا؟
راحِل أنا، والحق ما ضايِع
ويِضيع ليه وتكون مَحقوق؟
رَبنا شايفك يا مخلوق
بُكرة يا ابني داه منه تِدوق
ارجع يِلا لربنا طايِع
رُدّ الحق وبَرِّر ذاتَك
خالِف مرّة وسَيِّب شَهواتَك
إنتَ بتدفِن يا ابني حياتَك
أمَّا الحق، داه له يوم راجِع
✍️ ممدوح الدِّيري ✍️
