د. أمير فهمى زخارى

كتير من الناس لما يكشفوا، الدكتور يطلب ليهم نوع معين من الأشعة، ويجي السؤال الطبيعي:
ليه طلب لي الأشعة دي، وما طلبش التانية؟
لأنه ببساطة فيه فرق بينهم وكل نوع ليه إستخدامه... 
أولاً: الأشعة السينية العاديه (X-Ray):
دي أبسط وأقدم نوع من أنواع التصوير الطبي.
بنستخدمها يومياً في الطوارئ والمستشفيات.
 
إستخداماتها:
- تستخدم للفحوصات الروتينية.
- الأكثر شيوعًا ومتاح على نطاق واسع.
- تأخذ صورة ثنائية الأبعاد(2D).
- تستخدم في الإصابات لكشف الكسور.
- التهابات الصدر والرئة (زي الالتهاب الرئوي). 
- مشاكل الأسنان.
- تستخدم ايضا لكشف بعض الاورام السرطانية.
 
مميزاتها:
سريعة جداً، رخيصة، نسبة الإشعاع بسيط، لكن مقبول لو ما تكرّرت كتير. 
لكن... ما بتورّيش التفاصيل الصغيرة، خاصة في العضلات أو الأعصاب.
ثانياً: الأشعة المقطعية (CT Scan):
دي نسخة مطوّرة من الأشعة السينية، لكن أقوى وأدق.
بتاخد صور مقطعية (يعني زي شرائح) من الجسم، وبتجمعها في صورة واحدة واضحة.
 
 إستخداماتها
- تأخذ صورة ثلاثية الأبعاد (3D).
- تستخدم في تشخيص الحالات المرضية في الأعضاء والأنسجة والعظام.
- تلتقط الصور بزاوية 360 درجة.
- النزيف الداخلي، خاصة في المخ بعد الحوادث. 
- الأورام. 
- مشاكل البطن والصدر. 
- كسور معقدة لا تظهر في الأشعة العادية. 
مميزاتها:
سريعة جداً، وبتستخدم في الحالات الطارئة، أغلى من الأشعة العادية،اكثر دقة من الأشعة السينية، أكثر شمولية من الأشعة السينية، فيها إشعاع عالي نسبياً، عشان كده لا نعملها بدون داعي. 
 
ده لا يستخدم إشعاع، بل بيعتمد على مغناطيس قوي جداً وأمواج راديو.
يعني آمن من ناحية الإشعاع، الأكثر دقة بين الاشعات في بعض الحالات.
 
 إستخداماتها: 
- يأخذ صورة ثلاثية الأبعاد(3D).
- يستخدم في الحالات المرضية فى العمود الفقري والدماغ والعضلات والبطن. 
- تأخذ وقت أثناء التصوير. 
- مشاكل الأعصاب والمخ. 
- الغضاريف والمفاصل. 
- العضلات والأربطة. 
- الأورام اللي لا تظهر في الأشعة التانية. 
 
لكن عندها عيوب:
 بتاخد وقت طويل، غاليه.. الناس اللي عندهم أجهزة معدنية في جسمهم (زي شرايح أو منظمات قلب) لا يقدروا يستخدموها. 
↩️توضح الفرق بين أشعة الرنين المغناطيسي MRI وبين أشعة بت سكات  PET C/T (المسح الذرى)..
‏‎تختلف هذة الاشعه pet scan وخصائصها تختلف.
- تقيس العمليات الائيضية في الجسم بعد حقن المادة المشعه أو التتبع.
- تستخدم للكشف عن وجود سرطانات وكذلك مدى انتشارة .
- وتستخدم في معرفه فعالية علاج للسرطان.
 
الخلاصة :
- الأشعة العادية (X-Ray) ممتازة لو عندك كسر أو اشتباه في التهاب في الصدر. 
- الأشعة المقطعية (CT) بنحتاجها لو في اشتباه نزيف، ورم، أو إصابة داخلية. 
- الرنين المغناطيسي (MRI) هو الأدق، خصوصاً في تصوير الدماغ، الأعصاب، والغضاريف، لكنه الأغلى والأبطأ.
- بت سكات  PET C/T (المسح الذرى)..
تستخدم للكشف عن وجود سرطانات وكذلك مدى انتشارة .
- وتستخدم في معرفه فعالية علاج السرطان.