د. أمير فهمى زخارى

 
طيب والمشمر يبقى إيه؟؟!!
 
انا اقولكم:
توجد ثلاثه آراء لمعنى كلمه المشمر... 
 
الرأى الأول: 
كلمه مشمر معناها فى القواميس هو شمر عن ساعده.. 
يبقى معنى الكلمه فى العباره هو شمر كم الجلابيه او القميص ليأكل المحمر.
 
الرأى الثانى:
كلمه مشمر بمعنى شمر كم الجلالين او القميص لعمل العجائن بجانب المحمر..
يبقى معنى المشمر هو العجائن زى الفطائر والرقاق والمشلت بجانب المحمر لزوم العزومه...
 
الرأى الثالث:
المشمر هو طريقه تسويه اللحوم والطيور فى الفرن او على الفحم..
 
يبقى معنى المشمر هو المشوى مع المحمر...
 
وبالهنا والشفا المحمر والمشمر زى عزومات زمان.. وما حدش يقولى دلوقتي الفول والطعميه.. انا باتكلم على ثقافه التعبير "اى متلازمة كلمتين مع بعض دايما بنسمعهم" الله يكرمكم...
 
فى المره الجايه هاتكلم عن الخدم والحشم... يا ترى إيه معنى الحشم؟؟؟ تحياتى..