كلمات ✍️عادل غبريال
دول ماكانوش طالعين يتفسحوا
ولا رايحين يصيفوا في الجونه
كان نفسهم لبيوتهم تاني يرجعوا
بس للأسف دنيا قاسيه ومجنونه
طالعين يدورا على لقمة العيش
لأجل يعيشوا مستورين ولا يمدوا الإيد
غلابه شقيانين والمال مافيش
حظهم ف الدنيا كان سيء والزمن عنيد
الموت كان ع الطريق مستنيهم
خطف أرواحهم وقتل أحلامهم البسيطه
وعديم الإنسانية بخسه غدر بيهم
قطف زهرة شبابهم بموته صعبه بغيضه
وبدل مايرجعوا بجنيهات وقروش
رجعوا جثامين بلاحراك نايمين ف نعوش
شهيدات الحوجه ولقمة العيش
ربنا يرحمهم 🙏بس إل زيهم مايتنسيش
