تيجي نِرجع كده زي زمان، نِسرق فرحة نِسيب أحزان
وأرجع تاني طفل صغير، أهو ده المدخل والعنوان...............................
كان الهم ما يِعرف بيتنا، لما بتكمل كده لِمّتنا
كان عندنا أحباب في حياتنا، ليه يا حياتنا ده أصبح كان؟.......................
راحت فين الناس الحلوة؟ اللي إدّونا بالمجّان
فرحة وبهجة وسنين حلوة، كنت بغني بالألحان....................................
أيوه يا عم ما شِلتش هم، ولا بهتم، هاديه حياتي مافيها نيران
كان حواليّا ده خال وده عم، وأما أبويّا ده كله حنان.............................
جدّه بتحضن، أمّي تِضم، غالي عليهم مهما إن كان
وأما أصحابي دولا أحبابي، نِعرف بعض بقالنا زمان...............................
حتى جيرانا بفرح ليهم، أصل شارعنا ده كان مليان
كله محبّة وكمان طيبة، مشيوا وقفِلوا كده الدكان.............................
جت بعديهم ناس كَه غريبة، بقت العِيبة بالألوان
حلّت قسوة ومشيت طيبة، آه يا زمان كترِت الأحزان..........................
✍️ ممدوح الديري ✍️
