نورا فريد
سلام يارب سلام
حياتنا صبحت آلالام
العالم يصرخ ويئن
مرار بقي طعم الايام
كله بينكش دبان وشه
بيدور علي حاجه تفشه
ومحدش فينا طايق حد
ولامحترمين حدود او سد
والشاطر يطرد غيره من عشه
فتونه، بلطجه باسم الحق
والحق برئ من أعمالكوا
هييجي يوم ينزل فيكم دق
وساعتها ندمكوا ما ينفعكوا
سلام يارب سلام
حياتنا صبحت الآلام
العالم يصرخ ويئن
مرار بقي طعم الايام
ليه الغل مالي قلوب الناس
لافي خير ولاذوق ودماغ ترباس
معتدي شايف نفسه برئ
والفرًح أنفاسه بتضيق
حتي الإحباب اتقسموا
لفريق وفريق
والاقوي ف أملاك غيره نازل بالمدفع و الفاس
نسيتوا إن الدنيا
مش دايمه لحد
وف لحظه وف ثانيه
عالم بتموت وتطق
مابيفضل غير سيره
حلوة او وحشه
وكلمه باطل او حق
سلام يا رب سلام
حياتنا صبحت الآلام
العالم يصرخ ويئن
مرار بقي طعم الأيام
نورا فريد
