أشرف حلمى
أهدى كورال البيا تحت إشراف كنيسة القديسة العذراء مريم والشهيد العظيم مارجرجس بكفر الدوار ، أوبريت " نسر رفرف " لروح نسر الكرازة ، الغائب الحاضر مثلث الرحمات الأنبا باخوميوس مطران إيبارشية البحيرة ، مطروح والخمس مدن الغربية ، بمشاركة كهنة الكنيسة ، الخادمات المكرسات ، كورال تى بارثينوس ( فريق تحت 14 سنة ) ، وفريق الكشافة بالكنيسة .
وجاءت كلمات الأوبريت كما يلى :
١) نظرة وداعك في الكنيسة ودموع عيونا وناس وزحمة
معقول خلاص كدا مسافر واخد قلوبنا والفرقة جارحة
طب مين يقابلنا ببسمة تشفي قلوبنا الحيرانين
ومين يطبطب ولو بلمسة تطيب قلوبنا التعبانين
القرار :
مع السلامة يا ابونا اذكر ولادك صلي لينا يا نسر رفرف في السما ارتاح في حضن قديسنا
انبا باخوميوس جوه موكب بالاحتفال والتسابيح علي رأسه تاج وفي ايده شورية يرفع بخوره للذبيح
٢) كنت ناسك راهب أصيل ايوة زاهد كنت صلاة
انت معمداني عصرك صوت الحق وصوت نداه
في التجارب كان شديد عاش بنفسية شهيد
عمره ما اتخلي في مبدأ في الحق ايوة كان عنيد
٣) كنت عظيم بقلب طفل في البساطة وفي الكلام
كنت عايش جوه منهج طوبي لصانعي السلام
كنت اب كنت راعي كنت لولادك تراعي كنت اب للي ملوش وللي تاه كنت ساعي
٤) كنت قائد للسفينة كنت مرشد كنت يشوع
شيلت حمل المسؤولية وسط ظلمة ووسط موج
كل هدفك مجد ربك كل فكرك ويا عملك تسلم المسئوليه للي جاي يبقي بطرك
٥) كنت نسر في الكرازة كنت بشير كنت رسول
داير تقدم المسيح زي سيدك ماشي تجول
كل خطوة بتبني مذبح ماشي بتدشن وتفرح
كنت نحميا في بناه لحد لحظة الوصول .
لمشاهدة أوبريت " نسر رفرف " على الرابط التالي :
