ديڤيد ويصا
عشان الأسبوع ده ميتحوّلش لروتين وعادات محفوظة ..
ومع الوقت يتنِسي وسط زحمة الامتحانات والعزومات ..
عندي بعض الأفكار لاجتماعات الشباب والأطفال ..
ممكن خُدّام وقادة الاجتماعات دي يستخدموها لو يحبّوا ..
الأفكار دي ببساطة عبارة عن شويّة أسئلة ..
تخُص بعض أحداث الأسبوع الأساسيّة ..
الأسئلة دي ممكن تتّاخِد في خدمات الكلمة ..
خلال الشهور الجاية لحد آخِر السَّنة ..
بحيث ان خُدّام الكلمة يقدّموها في كل مرة يوعظوا في الاجتماع!
--
الأسئلة هدفها انها تكسر الأفكار التقليديّة عن أسبوع الآلام ..
وتستفز عقول الخُدّام والقادة عشان يتناقشوا فيها ..
ومعاها تستفز عقول الأطفال والشباب عشان يفكّروا فيها ..
وشطارة الخُدّام اللي هيتكلّموا فيها مش بس انهم يجاوبوها ..
لكن يربطوها بالتحدّيات اليوميّة اللي بيواجهها الأطفال والشباب!
والأسئلة دي كانت ولا زالت بتتحدّاني شخصيًّا ..
لأنها في صميم إيماني المسيحي!
--
عشان كده هعمل هاشتاج للفكرة دي ..
وكل پوست هكتبه هيكون بيفتح أسئلة تخص يوم من الأسبوع ..
زي يوم أحد السَّعَف، أو خميس العهد، وهكذا ..
أتمنى تكون الفكرة مفيدة لقادة وخُدّام الاجتماعات ..
في كل الكنايس والطوايف المسيحيّة!--
