العلاج النفسي '>لام شمسية و العلاج النفسي .. د.مجدى إسحق
للمرة الثانية التى اكتب فيها عن هذا المسلسل من واقع تخصصي كاستاذ جامعي..

حديثى عن المعالج النفسي للممثل المتميز علي قاسم "د.رامي" ..

من المرات القليلة التى ترسم فيها شخصية المعالج النفسي بصورة  غير مشوهة ، بعد الافيهات الشهيرة التى رسخت افكار خاطئة عن الاطباء النفسيين، كأنهم هم نفسهم مرضي نفسيين !!

 و جعلت الناس تهرب من زيارتهم خوفا من "الفضيحة" بتهمة علاجهم كمختلين عقليا ..

-ظهرت صورة المعالج النفسي بشكله المهني المحترم.. وبانسانيته الكاملة..

- اظهرت التزامه باخلاقيات المهنة.. و احترامه الشديد حتى للطفل  ..

-اظهرت تفوقه في اطار الجلسة العلاجية الطبيعية من غير اي استعراضات مفتعلة او استغلال ، بعيدا  عن الصورة المعتادة اللي تظهره نصاب ، او مختل او مستغل..

- الدراما لما تستمر في تقديم المعالج النفسي بالشكل المشوّه ده تساهم في ترسيخ افكار غلط عن المهنة مما يؤثر بشكل مباشر على اللي فعلًا محتاجين مساعدة نفسية.. كتير من الناس تهرب من طلب الدعم النفسي ،  فيعانوا في صمت بدل ما تاخد خطوة حقيقية للعلاج..

- اظهرت الدراما حد فاهم طبيعة المهنة ، و بيشرح حقيقة الممارسة العلاجية..

-  كمان اظهرت ازاي المهنة دي بتاثر على صاحبها.. فعمل المعالج النفسي مش مجرد استماع ونصايح.. ده احتواء ،  وانصات عميق ، وحمل لمشاعر الناس يوم بعد يوم..

-  الطبيب او المعالج بيتاثر ، و يتألم

و يتوجع .. هو انسان زيه زي اي حد... بيحزن.. بيفرح.. بيتاثر باللي حواليه.. وبيمر بنفس الضغوط ..

بس بيحاول يكون متزن ونسبة السواء عالية
بس هو في الأول والآخر انسان
شرف لأي انسان ان يعالج اعمق ما فى النفس : الحزن و الكرب .

- العلاج النفسي كان معاه خطة علاجية صحيحة و متأنية ..

الدرس : ادي العيش لخبازه .. و لا تخجل من ان تبحث عن معالج متخصص ليسندك و يعبر معك جسور الالم..