مسلسل لام شمسية و دوائر الاساءة .. د.مجدى إسحق
من خلال مشاهدتى الدقيقة للمسلسل الجميل كاستاذ جامعي متخصص ..

العبقرى "محمد شاهين" او "وسام" الذي قام بدور المتحرش المهووس بالجنس ، و الذى يعانى من خليط من اضطراب فرط النشاط الجنسي  hypersexuality disorder مع  الادمان الجنسي sex addiction و اضطراب ضد المجتمع antisocial behavior او طيف السيكوباتية  
- مدمن إبا7ية .. واضح من التسجيلات اللي على تليفونه وكانت بتظهر تركيزه على مناطق معينة في البنات علي المسرح ..

- زوجته شافته قاعد في غرفة مظلمة  و لابس سماعات في ودنه و غارق فى الشهوة لدرجة انه ما خدش باله ان حد شافه ..

- شخصيته المضطربة كانت نتيجة هجر أمه ليه وسفرها ، فشعر بالرفض وعم الاهمية .

- حياته مع أبوه السادي وتعرضه للعنف اامزمن  .

- اصبح مفهوم الحب يرتبط بالعنف ، فبدأ يقدم لذته على اي شيء لأن أهم شخصين ربطوا الحب معاه بالألم والقسوة والتخلي : أبوه علمه إنه ضعيف وإن الأذى طريقة التعبير عن الحب ؛ و أمه علمته إن المصلحة فوق أي عاطفة وإن أهم حاجة صورته قدام الناس مهما كان جواه شر .

- تحول وسام من ضحية لمؤذي. و ارتبط معاه الحب بأذي الناس..

- لجأ للابا7ية لتعويض إحساس العجز و الشعور بالسيطرة الوهمية .

-تولدت لديه الرغبة في الأذى لكل من حوله لكى لا يشعر إنه هو بس الي ضحية ، و يبقي قوي و مسيطر ..

- اصبح عنيف و يحب يسيطر على كل احد بالتهديد والإيذاء والتلاعب عشان ميفقدش سيطرته عليهم ..

- بقى أهم حاجة عنده رسم صورة مثالية قدام الناس عشان محدش يصدق ضحاياه لو حد منهم اتكلم .

- التحرش نشأ من جرعة الدوبامين الرهيبة dopamine rush (سبب ادمانه ) و اللي كانت بتطلع عنده كل مرة يمارس فيها هذا الامر ، و تعطيه الاحساس المؤقت بالقوة والسيطرة ..

- كل مرة يتعدى فيها على حدود حد و يتلاعب بيه يرتبط ده عنده باللذة، والدوبامين بيزيد شعوره بالثقة في إنه مش هيتكشف و تزداد رغبته في إختبار قدرته على إغواء ضحية جديدة ..

الدرس :
- مش كل ضحية بتتحول لمؤذي، لكن كل مؤذي كان ضحية ..

- وسام مش مجرد شخصية في مسلسل، دي دوائر إساءة بتكرر نفسها.من الجانى للضحية و تحوله هو نفسه لجانى ..

- الحلول  :تربية سوية  بلا عنف او هجر فى التربية، زيادة الوعي النفسي و المشورى ، حسن العلاج، النفسي المبكر ،  

غير هذا ، احذروا ، هناك "وسام" يتكون بيننا كل يوم ..

نعم اسجنوا كل "وسام: بيننا ، و لكل "وسام" اكتشف نفسه اطلب العلاج قبل فوات الاوان ..