د. أمير فهمى زخاري 

- قبل ما تحطي غسيل في الغساله اقلبيه ع ظهره..
- لو عندك جينزات جديده قبل ماتغسليها انقعيها الاول في مياه بخل عشان تثبت لونها. 
- حطي مع غسيلك شويه ملح وهتشوفي السعاده الهتبقي فيها وبيتك وحياتك هتتغير ازاي... الملح بيدى طاقه ايجابيه. 
- غسيل الشتا لما تلميه من ع الحبال بيكون ساقع ودا راجع للندي اللي في الجو فلازم لما نلمه نسيبه شويه قبل تطبيقه ودخوله الدولاب عشان مايعملش ريحه.
- انقعي الملابس البيضه ليله أو حتي ساعتين تلاته هتفرق جدا في النظافه وهتشيل اي بقع.
 
- لو في زراير في فستان او حاجه افتحيها قبل ماتغسليه عشان فتحات الزارير ماتوسعش.
 
 - لو عندك هدوم بيبي صغير جمعيهم واغسليهم لوحده مش مع غسيلكم لأن بشرته حساسه فنحافظ عليها علي قد ما نقدر.
 
- ملح الليمون وبيكربونات بتأثر سلبا علي عمر الغسالة.-ممنوع منعا باتا مسحوق عادى مع الاوتوماتيك.
- لا تجري بالتايمر واحذرى جدا من الحركة دى تمشي تكة تكة..
 
- بلاش زيادة المسحوق مش بينضف ده بيعمل مع الوقت تحميل ع الاكس، كوب إلا ربع كفايه جدا.
- غلط الخل بكثرة مع المسحوق.. لأن الحمض ده لو كل شوية بيأثر فى الحلة.
 
- بعد الغسلة تنشفى الاطار الكاوتش إللى جوة ده بالراحة جدا..
 
- لما تيجي تخرجي الهدوم متشيديهاش كدة زى ما بنعمل لاء حطى ايدك تحت على الكاوتش ده ومن فوقها بقى شدى الهدوم.
 
- لازم تفتشي كويس اوى فى الهدوم حتى لو اكسسوار ولا دبوس ممكن يخرم الكاوتش.
 
- لازم شرابات الاطفال والعادية تحطيم فى الكيس بتاعهم لانه بيدخلوا بين الحلتين عند ناس كتير وتتعطل الغسالة برضة.
 
- بعد ما تخلصي الغسيل هوى الغساله يعنى سيبى الباب مفتوح عشر دقايق.
 
- دورة الخل زجاجة كاملة خل فى درج المسحوق ونشغلها علي 90 درجة ودة كل 6 شهور.
 
- كثرة الداونى والمنعمات والمعطرات بتعمل على المدى البعيد بتأثر على الغسالة. 
 
- ممنوع تشغيل الغسالة أثناء النوم أو واحنا برة..علشان لما الميه تقل.. او تقطع .. ده غلط غلط.
 
- الغسيل عموما لو يوم مرتين يبقى إللى بعده مرة بس.... يعنى غسلتين ف يوم واليوم إللى بعده غسلة واحدة. ولما تمليها افتحي ايدك شبر فوق الغسيل يبقى فاضي.
 
وللحديث بقيه... ثقافه المعلومات مهمه ومفيده.... تحياتى.