د.أمير فهمى زخارى
التساؤلات هى:
1- هل لازم نسيب الراوتر في فيشة الكهرباء علي طول؟
2- هو الراوتر اصلا بيستهلك كهرباء؟
نبتدى مقالنا اليوم.....
= فصل الراوتر لما نيجي ننام او وقت ما نكون مش في البيت ده غلط...
ده غير ان الراوتر استهلاكه للكهرباء يعتبر اقل استهلاك في البيت لأنه في المتوسط بيستهلك حوالي ١٠ وات اثناء الاستخدام وحوالي ٨ وات في وقت الراحة ف لو حسبنا هنلاقي استهلاكه حوالي ١٠ جنيه في الشهر
- طب لو ققلنا الراوتر باليل ده ممكن يزيد مثلا من عمره الافتراضي ؟
= الاجابة لا
لان المهندسين لما صمموا الراوتر صمموه انه يشتغل بدون توقف عشان في اغلب الوقت بيكون متوصل بالراوترات ديه سيرفرات او كاميرات مراقبة او انظمة حريق ف مش من المفروض انها اصلا توقف او تتقفل...
- انا مش مقتنع بالكلام ده وعايز اقفل الراوتر ده فيه ضرر عليه؟
= للاسف آه
لانه بيحط علي مكوناته الداخلية ضغط مع التيار ودرجات الحرارة
ده غير ان الراوتر ممكن ياخد وقت طويل عشان يرجع يشتغل تاني علي الDynamic IP بتاعك
سبب تاني لو قفلت الراوتر بليل ده بيمنع عمليات التحديث والمزامنة اللي غالبا بيعملها موبايلك بليل وانت نايم عشان يوفر سرعة الانترنت وكفاءة الموبايل طول اليوم
وصلت المعلومه ....تحياتى للجميع.
