ماجدة سيدهم
من أسوأ وأكتر التعبيرات إبتذالا و اللي أصبحت للأسف مسلّم بها كعرف متداول في الأزمات الإجتماعية بالمحروسة ..على شاكلة ( ألاخوة في الله ..شركاء الوطن ..النسيج الواحد..مسلمسيحي عنصري الأمة ..وماشابه ) لأنها تحمل في باطنها بل تؤكد بكل وضوح على أن فعلا فيه مشكلة حقيقية في التعايش وقبول المختلف عقائديا على نفس الأرض ..فبنحاول نرتق المشكلة ببعض الألفاظ المستهلكة والتى لا طائل منها سوى تسكين فوران الكراهية والتعصب من طرف ضد الآخر

 ودا اللي طلع به أحد الفنانين (احمد السقا ) على صفحته وياربته ماكتب  يوضح سوء فهم هو شايفه كدا من جهة فبدأ ب ( البوست موجه لاشقائنا ف الله والوطن.. الأخوة المصريين المسيحيين )

 بيفترض أن الفنان الحقيقي هو كيان حر  أرقى وأسمى من أنه ينساق  وراء السائد في المجتمع من تمييز وعنصرية بفعل فكر مسموم من تراث السلفية ..

وبدل مانترحم على أيام زمان يبقى المفروض أن دور الفنان الحقيقي ياخد المجتمع دا ويرتقي به لمستوى حضاري وإنساني وأخلاقي أعلى علشان يجي اليوم  وتختفي تماما مثل تلك التعبيرات المسيئة لوطن بقيمة مصر وتطلع أجيال جديدة سوية إنسانيا نفسيا وذهنيا ولاتعاني من الأزمات العنصرية العدائية اللي بيعاني منها مجتمعنا الآن من أول أعلى الرموز والنخب لحد سواق التوكتوك ..

 النهاردة بتطالبوا باعتذار السقا.. طيب كام سقا عندك لسه تحت القناع  ومع أول مزنق هايطلع الجهادي اللي جواه

ولو هذا  على هذا القياس أنتو  كدا عاوز ملايين من السقا يعتذوا للاقباط من أول الدعاه السلفيين على قنواتهم واللي عاملين كوارث في الأدمغة ولولا ستر وصبر واحتواء الأقباط كانت البلد فعلا ضاعت ..

اتقوا الله في البلد وفي أقباطها لأن هم الوتد الحقيقي وهايفضلوا  الوتد