كتب - محرر الاقباط متحدون
تداول رواد موقع التواصل الاجتماعي فيسبوك صورة لكاهن داخل مكتبه برفقة كلبين، وظهر عليهما حبا كبير له، ما يؤكد تعامله العطوف معهم .
وأشاد رواد التواصل بالمواقف الإنسانية للكاهن، وبحسب المنشورات المتداولة، يقدم الكاهن وجبات مجانية لغير القادرين من خلال مكان خصصه لإعداد الطعام، وتفاعل رواد التواصل مع الصورة بشكل واسع، مؤكدين ان افعاله هذه تعكس محبته لكل المخلوقات .
وكتبت صفحة عيادة الكلاب السعيدة د.سمر عبد الرحمن :" الصورة دي انا نشرتها من كم يوم وكل ال شافها حبها وخطفت قلبه وانا قريت كل تعليق تحتها
بس التعليقين دول انا بنشرهم دلوقت مع الصورة بوست جديد لاني بطلب من كل انسان يدعي للقمص متي ربنا يشفيه ويعافيه ويعفو عنه بحق جمال قلبه وروحه الطيبة السمحة مع كل خلقه، التعليقات :
-للعلم ابونا متى مش بياخد اي فلوس رمزيه ولا غيره من الناس تحت الوجبات اللي بيدهالهم وانا متأكده جدا لاني بخدم في المكان لكن بتبقى تبرعات بيتبرعوا بيها الناس المقتدره للمكان لكن المكان بيقدم كل يوم وجبات وفي استضافه للناس الغرباء المرضى والمرافقين اللي معاهم بدون فلوس نهائي بيدفعوا تأمين بسيط وبياخدوه وهما ماشيين والمكان فيه تكيفات واجهزه كهربائيه ميكرويف وتلاجه وبوتجاز وكل شي متوفر من خدمات ربنا يشفيه ويبارك خدمته ويبارك الخدام اللي كل يوم بيجوا يجهزوا الاكل بدون مقابل بردوا صلوا وادعو له بالشفا ويشفي كل مريض.
-والكلاب دي بيكون ليها اكل كمان وبيعمل حسابها ويطلع ليهم َياكلهم بايده لو تشوفوا منظر الكلاب لما يشوفوه وميتعرضوش لاي حد داخل المكان مع انهم كلاب في الشارع مش في البيت ولكن موجودين في الشارع.
