كتب - محرر الاقباط متحدون
استنكر الكاتب محمد ابو قمر مبادرة عودة الكتاتيب في مصر .
وكتب ابو قمر عبر حسابه على فيسبوك :" كتاتيب ، حد عارف إيه هو الشيء العظيم الرهيب إللي ورا إعادة الكتاتيب في زمن الذكاء الاصطناعي؟!، حد عارف صاحب قرار فتح الكتاتيب عايز يعمل إيه في أطفالنا؟ حد يقدر يقول سبب منطقي واحد لقرار إعادة الكتاتيب؟.
وتابع :"ياتري صاحب قرار الكتاتيب يعرف إن من الأفضل للطفل إنه يتعلم إزاي يفكر ويشغل مخه ولا من الأفضل انه يحفظ وتتحشي ذاكرته بنصوص لا يعرف معناها؟!، هو صاحب قرار الكتاتيب ميعرفش إن الحفظ بيقتل إمكانية الطفل المصري ويحرمه من تعلم بعض المهارات تفيده لما يكبر؟!.
كما أضاف :" الدنيا اتغيرت ، ووسائل التعليم اتطورت ، والتعامل مع الطفل أصبح علم مكتوب فيه مئات الكتب وبيتم تدريسه في الجامعات ، لأن مرحلة الطفولة دي هي مرحلة بناء الشخصية القادرة علي مواجهة الحياة ، ياتري صاحب قرار الكتاتيب يعرف الكلام ده ولا هو قرر يفتح الكتاتيب وخلاص؟!
وعلي فكره ، الفرق بين التقدم والتخلف هو ذاته الفرق بين الفهم والحفظ.
