كتب - محرر الاقباط متحدون
قدمت الدكتورة حنان فهيم خبيرة التنمية البشرية، عدة طرق لمواجهة المشاكل ولحل الخلافات الزوجية .
وقالت فهيم خلال تقديم برنامج "اصنع حياتك بنفسك" المُذاع عبر قناة موقع (الأقباط متحدون)، :"اصلح نفسك اولا قبل التفكير في إصلاح الآخرين.
مضيفة :" ابدأ بنفسك، وستجد ان الحياة أصبحت أفضل وأجمل.
وتابعت :" كل واحد فينا يدور على نفسه الاول يصلح نفسه مش يقول لو الطرف التاني اتصلح الاول .
كما اضافت :" لازم اصلح نفسي اجيب ورقة وقلم واقعد مع نفسي واشوف ايه عيوبي : بتعصب، طب بتعصب ليه ؟ عشان حد قال لي كلمة مش كويسة او شريك حياتي ضايقني.
طب شريك حياتي ده عمل حاجات حلوة كتير، فاقعد اكتب كل إيجابياته، طب ده عامل كتير بس في تصرفات مش عاجباني طب ما انا لما اكلمه بطريقه ايجابية واكلمه بحب واقول له دي بتجرحني دي بتضايقني ممكن لو سمحت ما تعملهاش تاني هيقول لك حاضر حبيبتي انا اسف .
لافتة :" انا عايزة اصلح يبقى انا افضل ماشية بطريقة إيجابية، بفكر إيجابي، بتكلم بطريقة محترمة عشان انا بنت ربنا وعندي اولاد وعايزة اولادي يبقوا اولاد ربنا.
وتابعت :" فابتدي اصلح من نفسي فيبتدي هو يلاقيني اتغيرت يبتدي هو كمان يتصلح ونبقى احنا اثنين كويسين نطلع ورد جميل ونطلع شجرة جميلة وحياة سعيدة .
