كتب - محرر الاقباط متحدون
كشف تقرير مصور لقناة (العربية)، عن إحالة طبيبة نساء بمستشفى كفر الدوار للتحقيق بعد تداول فيديو لها عن حالات الحمل السفاح، وتواجه الطبيبة تهمة إفشاء أسرار المرضى .
وقالت الطبيبة خلال الفيديو :" ده غير بقى الحالات اللي بتجيلنا بقى من الشارع دي تولد وتسيب عيالها وتمشي دول ياما ياما جدا انتوا مش متخيلين
الوضع.
مضيفة :" لقيت مامتها داخلة اصل انا عايزة اتكلم مع الدكتورة لوحدنا قلت بس جت اللحظة الحاسمة خير يا مدام ؟ ،قالت لي بصراحة البنت متجوزة جوازة مش على هوانا، ولدناها والدنيا تمام وامورها زي الفل، الكلام ده من الساعه 10 الصبح فين يا عسول الورق بتاعك قسيمة الجواز والبطايق، قالت اصل انا جيت اولد وجوزي كان في الشغل فهو ما يعرفش.
واضافت :" بالنسبة لي دي كدة حالة فاقدة الاهلية وما فيش اب للعيل ده، الاقي ورقة عرفي مكتوبة كده بقلم بخط الايد والبطايق اتفرج بقى على البطايق البيه مواليد 2004 تقريبا او 2005 والهانم دي مواليد 1990 يعني هي بسم الله ما شاء الله اد الست ولدته .
وتعرضت الطبية وسام شعيب لانتقادات واسعة بعدما اعتبر البعض حديثها إفشاء لاسرار المرضى .
