محرر الأقباط متحدون
علق الإعلامي عمرو أديب، على قرار الحكومة باستيراد بيض المائدة من تركيا، بهدف إعادة التوازن في الأسعار إلى الأسواق.
وقال «أديب» خلال برنامجه «الحكاية»، «انتوا متخيلين أن مصر بتستورد بيض من تركيا وبشحنه وصفاره وبياضه ويوصل سليم، الكرتونة بـ150 جنيه».
وأضاف: «لسه هنا التجار مصرين على سعر الكرتونة بـ 170 جنيه و180 وفي بعض الأحياء بـ 200 جنيه، طيب خلاص بيض انت بقى. لما توصل أن التجار يزودوا الأسعار علي الناس خلاص انت وصلتني أشجع المنتج الأجنبي».
وتابع: «فجأة هيطلع حد يقولك انت بتهدد صناعة بيشتغل فيها 2 مليون شخص، يعني فاتحة 2 مليون بيت لو البيت في 5 أشخاص، يعني انت تهدد حياة 10 ملايين شخص، طيب والـ100 اللي بعد كده مين المسؤول عنهم؟!.
وأكمل: «إما اعتدلتم أو اعتزلتم، يا تعملوا أسعار كويسة، يا أنا مع قرار الدولة باستيراد البيض من تركيا، لغاية ما تتزنوا في الأسعار نبقى نوقف استيراد البيض، يجب أن يكون هناك ضرب بيد من حديد».
