د.أمير فهمى زخارى المنيا
1- مانفتحش على الفول كتير أثناء التدميس الهواء هو اللى بيخلى القشرة بتاعته تسود وياريت يتسوى فى إناء فتحته ضيقة زى الدماسة عشان نقلل مساحة احتكاك سطحه بالهواء.
2- لو عندك كاتيل استانلس اوبراد شاى المونيوم , اغلي فيه مياه وملح ليمون حينضف ويبقي بيلمع.
3- ضعى باكو فانيليا فى الفيشار وشوفى الرائحه الجميله بجد.
4- لاذابة الدجاج المجمد ضعيه فى وعاء به ماء عادى ورشة ملح.
5- لوعندك كميه كبيره من الجبنه البيضاء وخايفه عليها ربما تفسد أغلى ماء وضعى فى الماء 2معلقه كبيره لبن بودره ونقلبهم مع بعض ونضع فيهم الجبنه البيضاء ستعيش فى الثلاجه لمدة 3شهور دون أن تفسد.
6- البطاطس قبل ماتحمريها اسلقيها عشر دقائق في ميه وملح بتقرمش ومش بتشرب زيت .
7- لما تشربي القهوة مترميش التفل ده سكرب هائل لبشرتك.
8- اكياس الشاي مترميهاش سقعيها في الثلاجه وحطيها علي عينك واعملي بها كمادات لعلاج اجهاد العين والهالات السوداء حولها .
9- عشان ريحه الكبه متبقاش بصل افرمي فيها طماطم هتضيع اي ريحه.
10- لو بيضه اتكسرت منك على الارض رشي عليها ملح واستني دقايق وامسحي بمنديل.
11- لما يقع منك شويه لبن اوعي تمسحيه بفوطه المطبخ عشان هتعمل ريحه بشعه امسحي بمنديل مطبخ افضل.
12- عند قلي السمك يجب وضع قشور الليمون داخل الزيت أثناء القلي فهذه الطريقة تعمل علي التخلص من رائحة السمك نهائيا.
13- لمنع السوس من الدقيق والحبوب ضعى الى جانب العلب التى تحفظين فيها هذه المواد بعض اعواد النعناع الجاف او نبات الشيح . او يمكنك اضافة ملح خشن لهذه المواد على ان تتخلصى منها بالشطف عند الاستعمال .
14- افضل طريقة للتخلص من الماده الدهنية الموجوده فى الشوربه تتمثل فى وضعه فى الثلاجه حتي تتجمد الدهون وتكوين طبقة سطحية وبذلك تزال بسهوله .
15- لا يصح تسخين البيض مره أخرى إذا كان مسلوق او علي شكل عجه او مخفوقا لانه يكون مضر جدا.
16- لا تخزني كيس الدقيق علي درجة حراره الغرفه ولاتخلطي القديم مع الجديد يجعله يفسد ويجعله جاذبا للحشرات.
17- لا تشطفي المكرونة بعد سلقها وضيفي من ماء السلق للصلصه من أجل تكثيفها واعطائها نكهه مميزه.
18- للحفاظ على الجبنه لأطول فتره في الثلاجة ضعي قطعتين سكر مع الجبنه داخل علبه بلاستيك.
19- لتنضيف مفاتيح البوتاجاز نقطع ليمونه كبيره إلي نصين ونرش عليها ملح ليمون وندعك المفاتيح باليمونه لازالة الدهون والزيوت.
20- الفراخ متتغسلش بخل ولا تتنقع في خل لو عاوزه تضيعي ريحة الزفاره لان الخل بيثبت الريحه في الفراخ وبيخليها مش حلوه خالص.
21- تنظيف شفاط المطبخ من الدهون المستعصية بمكونات من مطبخك:
هاتى حوالى ربع كوب خل ومعلقتين ملح ليمون ومعلقتين بيكربونات الصوديوم وربع كوب صابون سائل وكوب مايه ساخنه وحطيهم كلهم في بخاخ ورشي الشفاط كله وسبيه نص ساعه كل الدهون هاتطلع معاكى بسهولة وبعد كدة يغسل بالماية والصابون عادى تحت الحنفية ونشفى كويس .
وللحديث بقيه ... تحياتى.
د.أمير فهمى زخارى المنيا
