محرر الأقباط متحدون
قضت محكمة مستأنف جنح الشيخ زايد، اليوم الأربعاء، بتأييد الحبس سنة لـ«سائق أوبر» المتهم بارتكاب فعل فاضح بالطريق العام «التبول»، أثناء ركوب الفنانة هلا السعيد سيارته للوصول إلى مدينتي.
كان المتهم قال في تحقيقات النيابة العامة «اللي حصل أنا شغال أوبر على العربية بتاعتي، وقبلت الرحلة وأنا على طريق الضبعة طرنبة البنزين سخنت قولتلها هأقف دقيقتين الطرنبة تبرد ونتحرك نزلت فتحت شنطة العربية الخلفية علشان أقضي حاجتي بعد كده لقيتها فتحت باب العربية ونزلت جري أنا استغربت لموقفها وروحت قافل حزام البنطال بسرعة وبعد أقل من نصف دقيقة اتحركت على قدمي بعديها بشوية علشان أنا تعبان ومبقدرش أمسك نفسي أكثر من 5 دقائق في قضاء حاجتي عقب ذلك توجهت إليها، وقولتلها مفيش داعي لكل ده أنا تعبان واتحرجت أقولك أنا نازل أقضي حاجتي بعدها قولتلها من غير خوف أنا هانزلك الشنط بتاعتك وأمشي وعملت كده، ومشيت فعلًا كل ده اللي حصل».
من جانبها، روت «السعيد»، أمام النيابة العامة أن: «السواق وقف بالعربية على محور الضبعة في اتجاه مدينتي، بعد ما خرجنا من بوابات زايد، وكان المكان كله يمين وشمال صحراء بس أنا مكنتش أعرف أنا كنت فين بالضبط، وأنا لقيته نزل ورجع ورا العربية وفتح الشنطة وساعتها، سمعت صوت خبط في شنطة العربية وأنا ساعتها خفت، روحت باصة ناحيته ولقيته فاتح حزام وزرار بنطلونه، وحاطط إيده على عضوه الذكري ومعرفش هو كان بيعمل إيه ساعتها».
