محرر الأقباط متحدون
استغاثت فتاة تدعى أميرة جمال، 22 عاما، من تعرضها للضرب والتحرش على يد سائق إندرايف.
كشفت أميرة التفاصيل عبر صفحته علي موقع التواصل الاجتماعي فيسبوك وكتبت قائلة:
أنا طلبت العربية لصحبتى بليل تروح بيها، وأنا كنت عند صاحبتى فى شيراتون، وهو فضل تحت بيتى للصبح واستنى أروح الشغل لما نزلت قالي Hi miraa remember me؟، أنا كنت معاكي فى الجامعة، وكنت صاحب صاحبك ما تيجى أوصلك، قولتله أنا مبركبش موتوسيكلات.
كنت واقفه مستنيه أوبر تاني ودا مسك موبايلي وكسره، وضربنى جامد جدًا بمفتاح ومطوه وثبتنى، وحاول يعتدى عليا ويخطفني وكاميرات الشارع جايبانى، وضهرى كله أثار ضرب واعتداء، دخلت صيدليه أهرب منه قولتلهم ده خاطفنى قفلوا الصيدلية عليا، وكان بيرزع برا على الباب زي الكلب لحد م طلبت البوليس ومشى، أنا بجد عايزة حقي من شركة إندرايف، لأن جسمي كله آثار ضرب وهعمله إثبات حالة.
رجعت دم كتير بسبب إني عندي نزيف داخلى وبنقل دم، وأنا مصعبتش عليه وجسمه أكبر منى بكتير، وضربني بافتراء وكان عايز يعتدى عليا جنسيا وحاول يتحرش، وخد منى تليفوني وشنطتي.
