بقلم جَورج حَبيب
صَباح الأبتَسامَات
وأجمل الهَمسَات
وِيوم جَميل وِبديعْ
وِشَمس اليوُم مَا تِغيبْ
الرَبيع آههٌ جَاي فَاتح ذِرَاعيه
وِمحَمل وَرد وِياسمِينْ فيِ إيديه
يَا حَبايبنَا قُومُوا وِخَليكُوا نَشِطِينْ
بَلاش كَسل يا قِديسِين
إبدأوا بِصَلوة جَامده وِقَوية
إبدأوها بِشُكر لِرب البَشرية
و إطلُبوا لِكُل المُحتَاجِين
وإللي في ضِيقة وِتَعبَانِين
يُومُكم تِتحَقَق فِيه الأمَاني
وِكُله زَي الفُل وِمَحدِش يِعَاني
مَفيش يأسْ يَا إخوَتنا
فِيه آمل وِصَلوات تِسنِدنا
طَريقُكم كُله زِهُور
وِرَبنا يِسهل كُل الامُور
مَفِيش نَظارة سُوداء
فِيه فَرح وِسَعاده وِمَرُوءة
نَهَاركُم وِيومُكم نَادي
وِنُصرة علي كُل الشَياطِين الأعَادي
وَلا خُوف ولاَ ضِيقة
كُله هَيتيَسر في دِقيقِة
إضحَكوا وإنبَسطوا يَا جَماعَة
وِعِيشُوا وَقتِكم في سَعَادة
صَباح الابتَسامات الجَمِيلة
وأجمل الهَمَسات اللذِيذِة
وِكُله يِحيي الرَبيعْ
وإشكُروه لجَوه البَديعْ
