كتب - محرر الاقباط متحدون
قال المحامي التنويري عبد المجيد السيد جابر :"قابلت الشيخ السلفي محمد حسين يعقوب وكان لسه في بدايته من خمسه وعشرين سنة ، واخوه الاستاذ طه حسين يعقوب كان مدرس الاقتصاد بتاعي في مدرسة الجيزه الثانويه بالعجوزه، فخدنا في مسجد في قرية المعتمديه تبع بولاق الدكرور فصعد ووزع شرائط كاسيت أنا خد شريط كاسيت اسمه اوفسايت كلام كله هرتله وشعبويه واحد معاه دبلوم هيقول ايه.. كلام فارغ..وكان بيقلد الشيخ كشك في نبرته.
مضيفا عبر حسابه على فيسبوك :" المهم خطب بعد صلاة العشاء وقال حديث النظافه من الايمان حديث ضعيف وضعفه الألباني، وشويه وكمل وازاي حديث زي زواج عائشه في سن الثامنه يقولوا عليه ضعيف ده حديث صحيح وصححه الألباني.. قلت اسكت مليش دعوه.. ثم كمل وقال إن سيدنا النبي كان يجامع زوجاته التسع بغسل واحد وده حديث صحيح.
وتابع :" فأنا قلت بصوت عالي ده ضد النظافه الشخصيه وبنقل الامراض قالي انت بتتكلم ازاي كده اتطعن في كلام الله وكلام وحي الله فالاستاذ طه قاله ده تلميذ عندي وغمزله بعنيه بعد ما كان هيشتمني ولهجته كان باين عليها راح قايل بارك الله فيك يابني بس عاوزك لما تيجي مجلسي تربط حمارك قصدي عقلك بره المسجد وتربطه كويس بدل ما يفك ويدخلك في مشاكل عقائديه وتدخل مجلسي وفضل يضحك هو وبقية الموجودين، المهم طلعت البيت بتاعه كان دورين بيت فلاحي وكان قاعد هو علي كنبه في الدور الارضي دلوقتي بقي عنده قصور ومزارع..والخ من وراء التجاره في الدين، قابلته في جلسة المحكمه وكان جاي علي عجاز وسألته قلتله فاكرني قالي لا والله يا استاذ. قلتله متجوز اربعه، ينفع ادخل بيهم بغسل واحد... بصلي كده بعنيه بيشوفني بتكلم بجد ولا بهزر . لقي وجهي عامر بالايمان والتقوي والايمان هيدلئ من وجهي قالي طبعا يجوز .
