كتب - محرر الاقباط متحدون
توجه الأنبا يوأنس أسقف ايبارشية أسيوط والبدارى وساحل سليم وتوابعها بالشكر للاجهزة الامنية على تأمين احتفالات نهضة صوم السيدة العذراء مريم ، وذلك قبل إلقاء العظة امس في صلاة العشية من دير درنكة بأسيوط .
كما توجه بالشكر للقيادات الامنية على الزيارات للتهنئة بصوم العذراء .
وقال نيافته :" تنطلق الاحتفالات غدا بعيد السيدة العذراء ، والله يعيد عليكم الايام بخير وبركة، كل عام وانتم بخير وانتم في ملء الصحة والسعادة والمودة كل الايام.
وتابع :" في البداية اود ان اتوجه بشكر خاص لرجال شرطة اسيوط وعلى راسهم سيادة اللواء احمد جمال مساعد اول وزير الداخلية لمنطقة وسط الصعيد.
كما اتوجه بالشكر الى السيد اللواء وائل نصار مدير امن اسيوط الذي باركنا امس بزيارة برفقة السيد الحكمدار حسام بك والسيد اللواء سعيد بك كبير اللواءات .
وواصل :" كما زارنا السيد اللواء محمد عزت مدير المباحث العامة في اسيوط ، السيد اللواء عصام غانم
والسيد اللواء هشام ابو الفضل من الامن العام وقادة الامن العام في اسيوط وفي الوزارة السيد اللواء عبد الرازق.
مضيفا :"ربنا يعوضهم جميعا كل خير ، والنهارده بالليل ان شاء الله هيزورنا قادة الامن الوطني في اسيوط، بكره ان شاء الله السيد اللواء هشام ابو النصر محافظ اسيوط هيباركنا بالزيارة الساعة 7 ونص وهنستقبله هنا على المنصة .
موضحا :"وهيكون في بعض الاغاني الوطنية وطبعا ترانيم لامنا العذرا ومع خالص الشكر ليهم لتعبهم السنه دي، لان الاعداد زيادة جدا عن قبل كده ونشكر ربنا على انه الامن كله ماشي في سلام ووئام وربنا يكمل الاحتفال بكل خير.
وكشف نيافته الإجراءات الخاصة للاحتفال بعيد العذراء قائلا :
بالنسبة لليلة العيد بكره هنصلي العشية والدورة واستقبال السيد المحافظ والعظة هنا زي كل يوم انما ليله العيد هنصلي تحت عند الملكه.
في مشروع ان احنا نعمل كاتدرال اسمها سفينة النجاة قدام الملكة وهتشيل 8000 كرسي فاحنا هنصلي بكره ان شاء الله في مكان الكاتدرائية ده يعني مش هنصلي في الكنيسة تحت الملكة لا هنصلي التسبحة والتمجيد والقداس في مكان الكاتدرال .
اللي هو حاليا يعني في ناس بتجرش فيه ولذلك من صباح الغد اي عربية هتجرش في الغابة الشجرية في الجراش الكبير يعني ماحدش هيجرش جوه الدير.
من صباح الغد العربية اللي هتبقى هنجيب الونش يشيلها كل العربيات اللي موجوده جوه الدير تجرش في الغابة الشجرية لان لو لقينا عربيه جوه الدير هنشيلها بالونش، كل العربيات اللي مجرشه خارج الغابة الشجرية تجرش في الغابة الشجرية .
نمرة اتنين بكره ان شاء الله بعد العظة كل المنافذ اللي داخل الدير بعد العظة هتقفل .
انما المنافذ اللي خارج الدير هتكون فاتحة، تاني التنبيه ده بكره ان شاء الله بعد العظة بالليل المفروض العظة هتخلص تسعة كل اللي داخل الدير هتكون قافلة انما المنافذ اللي خارج الدير هتكون فاتحة .
وشدد نيافته خلال العظة على عدم التذمر وقال :" نتابع يا احبائي تاملات في سلسلة " تغيروا عن شكلكم بتجديد اذهانكم " .
مضيفا :" في واحد دايما يجدد ذهنه دايما بيروق ذهنه، وواحد دايما محبط يائس مكشر مكلضم على طول رغم ان الكتاب المقدس بيقول لا تكن الا فرحا ، ففي واحد دايما بيجدد ذهنه ، وشدد : لا نتذمر بل نشكر ، وليكون لدينا رجاء وأمل.
