كتب - محرر الاقباط متحدون
حذر الكاتب الصحفي نادر شكري اهالي الفتيات القبطيات المختفيات من اشخاص يزعمون البحث عنهم وايجادهن مقابل اموال .
وكتب شكري عبر حسابه الرسمي على فيسبوك :" تحذير: للأسر اللى بناتهم بتختقي، اى حد يكلمكم يقول عايز فلوس علشان يدور على البنت او يوصل لها ويقول محامي أو صحفي، ده نصب...لان الأمن هو اللى بيوصل للبنت وده دوره، لكن يطلع واحد يتاجر بألم الناس، ويضحك عليهم يقول إنه محامي ولا صحفي، وأنه عايز فلوس علشان فى ناس هتقدر توصل للبنت والناس الغلابه يدفعوا لانهم فى كارثة وبيتعلقوا بقشة..عيب وكمان اللى بيعمل ده أقباط ...ده نصب وتجارة بالناس ...ولا حد تانى يأخد فلوس ويقول علشان القضية ..قضية ايه هى البنت ظهرت ولا هى متهمة ولا عارفين فى ايه ....كفاية .
وتابع :" حرام كفاية المصيبة اللى فيها الأسرة ...محدش يدفع قرش لحد ...اختفاء البنت.... الأمن هو المسئول العثور عليها وبحث موقفها وبيرجعها لأسرتها ومعظم الحالات السابقة عمل كده
طبعا وفى شخص متعود على كده مرة يطلع نفسه صحفي ومرة محامي ولسه واخد فلوس من أسرة مسكينة وهو بيكدب وكذا مرة يطلع أخبار مفبركة..احذروا منه ومن غيره كفاية تجارة بالناس، ربنا وحده اللى بيسمع صلوات كل أسرة ....الصحفي نادر شكري.
