وجه الطبيب النفسي نبيل عبد المقصود، المعالج للنجمة شيرين عبد الوهاب، رسالة لجمهورها، بعد تصريحاتها الأخيرة عن حالتها النفسية.
قال نبيل عبد المقصود: "شيرين عبدالوهاب مطربة موهوبة، ولكنها مرت بظروف صعبة، المطلوب أن جمهورها يقف بجانبها، اقفوا جمبها وساعدوها، وخليكوا داعمين ليا، وإن شاء الله هترجع قريب بأغاني جديدة وهتكون أقوى من الأول"، حسب تصريحاته لبرنامج "صالة التحرير" الذي تقدمه فاتن عبد المعبود عبر شاشة "صدى البلد".
وتابع: التزام المريض النفسي بتعليمات الطبيب هي أولى خطوات الشفاء، وأن الدعم الاجتماعي للمريض من الأشياء المؤثرة جدًا في حياته العلاجية،الشباب لا يمتلكون ثقافة عن المخدرات ويعتزلون المجتمع بعد الدخول في هذه البوتقة، وهذه التغيرات لا بد من إصلاحها وعودتها إلى مسارها الطبيعي.
وأضاف الطبيب نبيل عبد المقصود: أقرب شخص إلى الشخص المتعاطي للمخدرات، هو الوحيد القادر على إصلاحه وتهذيبه وتوجيه النصائح له، دون التهور والدخول في مغالطات عنيفة، بعيدًا عن مشاركة الأب في هذه العملية.
ويشار إلى أنه منذ أيام تصاهدت أزمة شيرين عبد الوهاب مع طليقها المطرب حسام حبيب، إذ اتهمته بتهديدها وإجبارها على العودة له وسرقة أموال من خزنة منزلها.
وأضافت شيرين عبد الوهاب: شخص مجنون ومريض نفسي ملوش أي صفة، إنسان سمّاوي غير طبيعي، يعامل بنتي بطريقة غريبة، يسألها رايحة فين وجاية منين ويخليها تشاركه كل حاجة.. للأسف مكرهها فيا وفي أبوها وفي أهلي تمامًا.
وتابعت: أنا دلوقت مليش حد خالص، ماليش غير ربنا وأنتم والدولة، عاوزة ربنا والناس تحميني من الإنسان اللي خلاني متدمرة نفسيا وبشتكي من كل حاجة فيا ومش عارفة أتعالج، أنا بشتكي من كل حاجة في وعاوزة أكمل علاجي مع دكتوري نبيل عبد المقصود اللي ساعدني وواقف جنبي دون أي مقابل مادي، بالعكس كان بيتولى هو كل حاجة كطبيب وأب وصديق هو وأسرته اللي واقفين معايا في محنتي.
وفي تصريحات لـ ET بالعربي، رد حسام حبيب: "طبعا أنا خجلان من كل اللي بيحصل، ومش عارف أقول أية عن اللي بيحصل، بس والله العظيم أنا بريء من اللي بيحصل، ممكن يكون دا حصل عشان خاطر هي بتحاول تتصل بيا بقالها يومين تلاتة وأنا مبردش عليها، الورقة اللي شيرين بتقول بيها أنها حولت ليا مبلغ مالي، مكتوب فيها غرض التحويل لزوج، فأول حاجة كدا هو أنا زوجها !!، ثانيا حتى لو كنت الزوج وهي بتدلعني بالمبلغ دا إزاي تخرج تقول أني عايز أموتها، يا هي بتكدب لما قالت اننا اطلقنا يا هى بتكدب على البنك وقالت أني زوجها وحولتلي".
