️ممدوح الديري
كان عندك ليا محبه كنت في قلبك جوه عينيك
حولت نظرك عني وفي قلبك بقي ليا شريك...........................................
ايوه ياربي بعدت أنا عنك بهرب منك مش جاييك
عشت في توهها وضايع منك وعملت نسيك....................................
كنت معايا محمول ياابني ومهما تعبني الحمل شاريك
غالي عليا ومجربني لما غلط نزلت اراضيك..............................................
ايوه انا عارف حبك ليا بس العالم مش زييك
صعب تعيش جواه بوصية تبقي حمل داه بيجرح فيك.......................
غلطان ياابني يلي تاعبني كل وصية عشان تحييك
حملي خفيف ونيرك هين شلت صليب علشان افديك........................
خاطئ ياربي وهارب منك وانت بتطلب ارجع ليك
مش هتحمل نظرة عينك لما عينيا تجي في عينيك................................
ارجع ياابني يفرح قلبي بنسي واسامح واجري عليك
فاتح حضني وحبي ياخدني بالاشواق أنا مستنيك........................
✍️ممدوح الديري✍️
