كتب - محرر الاقباط متحدون
اعربت المحامية نهاد أبو القمصان، عن سعادتها لتعيبن اللواء منال عاطف فى منصب مساعد وزير الداخلية لقطاع حقوق الانسان .
وكتبت ابو القمصان عبر صفحتها على فيسبوك :"خبر يفرح ويعدل المزاج تعيين اللواء / منال عاطف مساعدة وزير الداخلية لقطاع حقوق الانسان، فى حركة تنقلات الضباط الاخيرة تم اختيار ولاول مرة سيدة فى منصب مساعد وزير والحقيقة المناصب دى حساسة وصعبة ومستحيل المجاملة فيها علشان كدا خبر تعيين اللواء منال يعدل المزاج لانها سيدة قوية ومتمكنة وفاهمة ومالية مركزها.
مؤكدة :" الخبر دا اسعدنى جداعلى المستوى الشخصى سعيدة جدا بوصول الصديقة العزيزة سيادة اللواء / منال عاطف اللى جمعنا سواء ايام حلوة وايام صعبة بس دايما بنخرج من الصعب اقوى من الاول وعلى المستوى العام ..دا مكان محدش يجى فيه بالساهل مستوى رفيع جدا فى المنظومة الامنية مش علشان ست انما لان منال ضابط شرطة مالية مركزها وشاطرة دا بيدى امل لتغيير حقيقى للاحسن ودرس لكل بنت وست انك قادرة توصلى لاعلى مكان ومكانة بس اشتغلى كويس وأملى مكانك
الف مبروك لمصر كلها .
