محرر الأقباط متحدون
حنان ترك .. هاجم المخرج عادل عوض، الفنانة المعتزلة حنان ترك، مؤكدا أن قرار اعتزالها "قطع عيش ناس كتير".
قال المخرج عادل عوض في لقاء تلفزيوني : «أنا زعلت جدًا لأننا صنعنا نجمة، مع مهندس جيكو آخر، ومهندس ديكور آخر، ومذيعة، بالنسبة لأن حنان ترك كانت أيقونة ونصنع أيقونة تعبر عن مصر، واعتزال النجم، يعني قطع عيش ناس كتير».
وتابع: «فيه أشخاص كتير جدًا زي أتأذوا، وحنان كانت شيطان رقص، بالرينا، وكنّا بنصنع حد عشان نخليه فاتن حمامة وسعاد حسني، النجم لما يبقى هيشتغل بنعمل الفيلم على أسمه، والفيلم بيشيل آلاف يفتح بيوتهم متقدرش حنان تعرف هي خربت كام بيت، وعادي كانت تقدر تشتغل وهي مُحجبة، بس هايبقى ليها أدوار محدودة، وإحنا عندنا في الدنيا نموذج الفتاة المُحجبة، هو نموذج موجود في مجتمعنا وممكن أختارلها أدوار تناسب الحجاب».
