محرر الأقباط متحدون
تحدث الفنان محمد صبحي عن ورش كتابة الدراما التلفزيونية وورش تعليم التمثيل في مصر، وعن أجور الفنانين، مؤكدًا أنه يجب أن يتقاضى الفنان أجرًا أقل من المُعلمين وليس ملايين.
وقال محمد صبحي، في تصريحات تليفزيونية: من قتل الدراما التلفزيونية بالتحديد في مقتل هي كلمة ورشة، 5 و6 بيلموا بعض علشان يكتبوا مسلسل، 3 مسلسلات في رمضان مع اختلاف مواضيعهم زوجة تخون زوجها مع أخوه؟، بيعملوا ورش بياخدوا فيها 20 و30 ألف جنيه ويستغلوا طموح العيال، واللي بيدرب تمثيل غير مؤهل للتدريب من الأساس، ويبقى العيال عندهم حروف بايظة وياخدوهم بس المهم يدفعوا.
وأضاف محمد صبحي: عرضنا فنانين مصر العظماء بعد حرب 1967 ومكنش فيه شغل، والتلفزيون المصري كان النورة بتاعتنا، فتحوا ستوديوهات بيروت وعمان وعجمان وأثينا وقبرص، والأخوة العرب العظماء بينتجوا أعمالهم بياخدوا الفنانين المصريين يسافروا يعملوا مسلسل في شهر ويرجعوا، أنا كان أجري وقتها زي محمود المليجي وباخد 12 جنيه، وكنت قاعد معاه في الاستوديو وقولتله أنا خجلان إزاي أخد زي حضرتك؟، قالي أفهم ده نظام بيحمي المهنة ده أعلى أجر بس أنا محمود المليجي وأنت محمد صبحي، هتبقى أحسن من محمود المليجي هيقولك هو هو الأجر، علشان محدش يجي يقولك أنا هاخد كذا وهو اللي يحكم ويطلب، ده أجر بيزيد كل 4 سنين.
واختتم محمد صبحي: ناس زعلت مني كتير في فترة وكانت فاهمة غلط لما قولت إني مقبلش كفنان أن الفنان ياخد 40 و50 مليون والمعلم ياخد أقل من 2000 جنيه، أنا مش مستكتر عليك الـ 50 مليون، بس أنا عايز أقول أنا كمحمد صبحي بشتغل بفلوسي في المسرح، ولما أجي أحسبها وأقول لو دخل واحد 6000 جنيه للأسرة والريس قال الأسرة متقدرش تعيش بأقل من 10000 يعني عنده وعي بمعيشة المواطن، لو المواطن هيعيش مستور يا دوب.. أنا كفنان أجي أقول أن الفنان المفروض ياخد أجر أقل ألف مرة من المعلم.
