د. أمير فهمى زخارى
لو ربنا آراد واشتريتى لحمه ... اليك بعض النصائح...
* اشتريتى لحمه بالتسعيرة وطلعت كبيره تعملي ايه؟
دايما اللحم اللي بيبقى جاي من دبيحه كبيره في السن بيكون لحم قاسي وبيحتاج لفتره تسويه كبيره وعلشان كده وجدنا الحل وبطريقه علميه.
- اول حل وهو ان ندق اللحمة بمدق اللحمة او اي اداه ثقيلة علشان نحول طبقه الكولاجين الي جيلاتين التي تعطي طراوة اللحمة.
- ثاني حل وهو ان احنا نستخدم حله الضغط.
- ثالت حل هو ان احنا نضيف نواه البلح اللي بتفرز انزيمات بتساعد علي تسويه اللحمة بطريقه أسرع.
- رابع حل هو ان احنا نضيف ماده حمضيه زي الليمون والخل والتي تساعد علي اضافه الطراواه للحم.
* اشتريتى لحمه وعند السلق طلعت زفاره وإطريتي تشليها هو ده صح؟
طبعا غلط لان الزفاره اللي حضراتكم بتشيلوه عباره عن عصارة من البروتين وفوائد اللحمة
يعني كده مش بتستفادوا من فوائد اللحمة؟
للآسف اه اللحمه بتفقد جزء كبير من فوائده
طب ايه الحل؟
معانا حلين:
- اول حل ان احنا نقطع اللحمة قطع متوسطة وننزل بيها في الماء وهو بيغلي علشان نغلق المسام.
- تاني حل وهو ان احنا نشوح اللحم في زيت علي درجه حرارة عالية علشان نغلق المسام كويس ونمنع تسرب العصارة.
معلش علشان اللحمه غاليه ...لازم نهتم بكل صغيره وكبيره فيها...تحياتى .
