ماريو ايمن سامي
تسمع عن غدر الأيام؟
لما تلاقي ف ثانية الدنيا
قلبِت سودة!
بعد ما كانت ماشية تمام..
لما تحس انك ف كابوس
بعد م كان نومك أحلام..
تسمع عن غدر الايام؟
لما تكون الساعة ٨
عادي بتضحك ..
٨ و ٥ تلاقي ضلام ..
لما تحس فجأة بروحك..
تخرج منك ..
من غير حتي م تقول سلام..
تسمع عن غدر الايام ؟
لما بتيجي عينيك ف حبايبك ..
تمسك نفسك..
و تجمل ليهم في كلام ..
لما تكون بتموت جواك ..
علشان اغلي و احلي ما ليك ..
شايفه عايش بالالام !!!
هو ده غدر الايام..
لما تلاقي ف ثانية الدنيا
قلبت سودة
بعد م كانت ماشية تمام
