ماريو أيمن سامي
لما الواحد يلقي نفسه
و يقول فات الوقت خلاص
مش قادر اعافر و احارب
مش عايز ادخل في تجارب
ولا عارف اكون زي الناس
و الدُنيا اسودت في عينيه
مش لاقي ولا لمسة نور
كُل ظروفه دي جايه عليه
و مكتفة باليأس ايديه
و محاوطة فرحِته بالسور
مهما يحاول برضو بيفشل
و حموله مع الوقت بتتقل
و بيفقد شغفه و حماسه
و بيقتل روحه و احساسه
و بيُهجُر اصحابه و ناسه
بس قولوله يعمل ايه؟
انا هقوله يعمل ايه..
سيب اليوم لرب اليوم
حتي بكرة كمان في ايديه
حتي حياتك..حتي مماتك
حتي ميولك و اهتماماتك
مبيمشوش من تحت عينيه
قوم نفسك انت بنفسك
خليك قد الحمل و اقوي
متديش الفرصة ليأسك
انه عليك جداً يستقوي
متخليش ولا حاجة تحُط
بين الفرحة و بينك فجوة..
