انتِ الحرم و انا الطايف
و مش خايف ..اكون مُلحد
ماهو اللي يحب في جنابك
و تخطفي روحه بجمالك
اكيد مؤمن..
انا العابد لرمش العين..
انا المفتون في اسحارهم..
بسبح ليكي بالليلتين..
ليالي العشق بسهرهم..
حفرتك صورة ع الكفين..
و كُل ما بدعي بأرفعهم ..
و بتشهد كمان بيكي..
انا المؤمن بمعاليكي..
و مش مُلحِد!
اصل الجمال ده رباني..
اكيد مش عمل انسان!
اكيد خالق الكون رسمك..
في يوم مخصوص!
يا لوحة و راسمها الفنان..
وجودك في الحياه..وجودي
وجودك سر ايماني..
عبير رطَّب علي فؤادي..
يا سر نازل علشاني..
