د. أمير فهمي زخارى المنيا
التحذير الأول:
اخذ المضاد الحيوى للضروره فقط
تخيلوها كده!! حتى أضعف انواع البكتيرية مش هتتأثر بالمضادات الحيوية!!
دى تبقى كارثه --
يعنى يظهر انواع جديده من البكتيريا ملهاش علاج وبتخش الجسم تعمل اللى هي عايزاه من غير مقاومه؟
وكل ده بسبب سوء الاستخدام للمضادات الحيوية والسبب اولا للطبيب البشرى اللى عمال يكتب مضادات على الفاضي والمليان وثانيا المريض اللى بياخد مضاد حيوى من نفسه او حتى يكرره لمجرد انه أستريح عليه مره!!
لازم يكون فيه توعيه من الصيدلي المتخصص عن الطرق المثلى لاستخدام المضادات الحيوية ويكون فيه حمله تثقيفيه على السوشيال ميديا عن خطورة الموضوع ده والا كده احنا داخلين على عصور مليئة بالأمراض والأوبئة
التحذير الثاني:
اسبرين مش للاطفال
كلنا طبعا عارفين اسبرين اطفال اللى بنقرقش منه حابيتين لو عندنا برد او صداع وبنستخدمه للعلاج او الوقاية من الازمه القلبية او السكتة الدماغية
بس معظمنا ميعرفش انه ممنوع منعا باتا للأطفال وانه مش اسمه اسبرين اطفال وده الاسم الى أطلقه عليه المصريين عشان العلبة مرسوم عليها شكل اطفال وطعمه حلو
ناخد بالنا بقي ان الاسبرين لا يعطى للأطفال حتى سن ال١٢عاما اثناء اصابتهم بالبرد او الأنفلونزا او الجديري المائي او اى اصابه فيروسيه لأنه بيتسبب فى متلازمه "راى" والتى تصيب الجهاز العصبى والمخ وتسبب تورم المخ ومصير هذه المتلازمة اما الموت او العيش بتليف فى المخ
فحرصا على سلامه اطفالنا نتجنب اعطاء الاسبرين لهم.
التحذير الثالث:
اخذ الدواء قبل النوم بنص ساعة...
معلومة عن الدواء كده قبل ما ننام
فى ادويه كده استعمالها بيكون قرص قبل النوم او معلقه قبل النوم ودي معظم ادويه الحساسية ناخد بالنا انه مينفعش الاستلقاء او النوم مباشره بعد اخذ الدواء ليه؟
لأنه ده بيسبب تهيج فى المريء وعلى المدى البعيد والتكرار قد يؤدى الى ارتجاع فى المريء وده مرض مزمن وعلاجه بيكون صعب وللأسف كتير مننا بيعمل كده والمفروض ان الاستخدام يكون قرص او معلقه قبل النوم {بنص ساعة}.
ياريت ناخد التحذيرات التلاتة بعين الاعتبار وننشرها ...
د. أمير فهمي زخارى المنيا
