ماجدة سيدهم
لا حد حس بيهم وهم بيحضروا للفيلم ولا وهم رايحين للمهرجان ولا وهم راجعين قريتهم ..ولا أي مؤسسة الامر يخصها طلعت قالت حتى مبروك ..ولا هل علينا أي من المشاهير المتعاليين  من بتوع الفن رسالة عظيمة  ومشواري الفني طلع ونطق بحرف ..
 
 ماهو بصراحة  خبطتين في الراس توجع ..أول خبطة  بفوز  فيلم "ريش " لدميانة  نصار  كأحسن ممثلة في مهرجان كان واللي طلع نار الغيرة والحقد  من قلب بعض المشاهير واللي للأسف عاملوها بتجاهل واضح  ..ولا نسيتوا..؟! 
ورغم كدا  هاتفضل دميانة نصار هي برضة  أفضل ممثلة.
 
وبعدين ياخدوا  الخبطة التانية ومن نفس القرية ويفوز عالميا   رفعت عيني للسماء لفنانات البرشا الحقيقيات .. 
 
  دا يدل على حاجة واحدة انه ماعندناش قلم حر يناقش قضايانا بصدق  ..ولا عندنا فن ولا فنانين حقيقين...فمن بعد سعاد حسني جبرت على كدا ( فيما ندر )  اللي عندنا شوية مشاهير نرجسيين  وراهم حشد إعلامي ورجال اعمال ومصالح وعلاقات واسعة على شوية مهرجانات وبس ..
البرشا لتاني مرة  تؤكد أنه من قلب المعاناة بيكون الابداع والتفرد والعالمية ..غير كدا كله  مجرد شو عمره قصير