ماجدة سيدهم 
دي مش مواهب بس طب والنعمة مواهب كان معاها حق لما  كانت بتوعي أطفال المستقبل وبتحذرهم  مايلبسوش الهووت شوورت أدام ماماواتهم  علشان حرام وعورة  وهايخدوا سيئات 
 
اهو طلع  عليا واحد مواهب تاني أهو ..وأخد بنته اللي من لحمه ودمه نموذج بيحذر بيه البنات  مايلبسوش  الشنطة بالشكل دا  " كروس"  وبرضه علشان نفس الخلل الذهني انه  حرام وغلط وعورة
 
 طيب ياترى هو شرح لبنته  وجهة نظره ايه.. 
صحيح إن كانت عينك شريرة  فجسدك كله شرير  ..
 للاسف غلبنا مواهب بس الكارثة لما تكون الدماغ دي  جوه البيت.. 
 
 حاجة تانية .. زمان في الافلام الابيض واسود لما كانت البنت البطلة  تفشل في علاقة كانت تروح تشتغل ممرضة كبداية جديدة او تهرب من حياتها وتشتغل في كباريه.. دلوقت الفاشل والنصاب والمهووس جنسيا  بيروح يستخبى  ويشتغل داعية زي مواهب اللي كانت مشروع مخرج وفشلت 
 
الفرق بقا ان المعالجة  زمان  كانت واضحة وتأثيرها على صاحبها .لكن  المعالجة  دلوقت بقت بالنصب  وبتؤثر على مستقبل بلد بحالها  .