ديڤيد ويصا
٣ أشخاص قال عنهم الكتاب ان الرب يسوع أحبُّهُم ..
الشاب الغني (مر٢١:١٠)، ولعازر (يو٣:١١)، ويوحنّا التلميذ (يو٢٠:٢١)
الأول ساب الرب يسوع، لما طلب منه انه يتبعه!
والتاني سابُه الرب يسوع في مرضه، وبعدين قوِّمُه من الموت!
والتالت تبع الرب يسوع والتصق بيه طول عُمرُه ..
والوحيد اللي استأمنه الرب يسوع على أمُّه (يو٢٧:١٩)!
--
حُبّ الرب يسوع لينا مُبادر ومُتاح وثابت ..
سواء رفضنا تبعيّته، واخترنا طريقنا بعيد عنه ..
أو اتألّمنا، ومكُنّاش فاهمين تخطيطه وتوقيته ..
أو التصقنا بيه وقبلنا دعوته وكمّلنا حياتنا معاه!
--
حُبُّه لينا في رفضنا، دعوة لينا للتوبة والرجوع ..
وحُبُّه لينا في ألمنا، دعوة لينا للثبات والثقة ..
وحُبُّه لينا في قُربنا، دعوة لينا للاستمراريّة والتعب لأجله!
حُبّ مش قادر استوعبه، بس عارف استمتع بيه!
ديڤيد ويصا
