كشفت مقدمة البرامج مي حلمي كيف نجت من الوقوع ضحية في برنامج "رامز جاب من الآخر" الذي قدمه الفنان رامز جلال هذا العام في رمضان، وكان سيشاركها في الحلقة طليقها الفنان محمد رشاد، مؤكدة أنها لا تظهر في برامج مقالب وتعرض نفسها لمواقف صعبة.
وحكت مي حلمي ما حدث معها في لقاء مع et بالعربي قائلة: "أنا بحب رامز جلال لكن لو هو بيقعد في السعودية أو الإمارات شهر أنا قاعدة هناك طول السنة فأكيد الكواليس هتكون عندي، لما كلموني طلبت رقم معين 25 ألف دولار، في ناس يا حرام مكنتش عارفة الموضوع إيه وهما قالولهم أنتوا تاخدوا بالمصري، أنا اللي فرق معايا الميزانية وإن هو ميبقاش برنامج مقالب، أنا في الأول اتقالي أنه مش برنامج مقالب، قلت استحاله مصدقش، سألتهم المفروض ألبس إيه بعتولي برنامج تاني حاجة مختلفة بيلعبوا لعبة، سألتهم عايزني ألبس كاجوال ليه، وبدأت أعمل بحث عن الموضوع طلع زي ما توقعت".
وتابعت مي حلمي متحدثة عن فكرة البرنامج: "المقلب إن إنت تجيبلي حد أنا على خلاف معاه أنا استحاله أقوله صباح الخير دي وحشه في حقي جدا ولا أنا هقبلها ولا أنا مستنيه فلوس، ناس كتير جدا قالتلي كنتي روحتي وأخدتي الفلوس قلتلهم متلزمنيش أنا بعمل في نص ساعة إعلان بـ25 ألف درهم مش محتاجة الفلوس دي في أي حاجة والناس شاهدة على الكلام ده".
وأكملت مي حلمي: "البرامج دي مش هدفها صلح، كل مذيع بيهمه برنامجه والمشاهدة كل سنة هتبقى عايز تكون أعلى من اللي قبلها فاستحاله تقولي مصلحتي أهم من مصلحتك، وهو أنا صغيرة مستينة حد يصالحني على حد وإنت مين عشان تصالحني هو أنا معنديش أهل أو أصحاب هاجي اتصالح على الشاشات، كنت عملتها قبل كده وخدت فلوس كتير".
وعن فكرة تغيير الضيف وطرح اسم رضا عبد العال ليظهر معها في الحلقة قالت مي حلمي: "خلصت أنا متهزأش ما عاش ولا كان اللي يعمل في نفسه كده عشان الفلوس مش محتاجاها".
وعرض برنامج "رامز جاب من الآخر" في رمضان 2024 وظهر فيه عدد كبير من النجوم منهم أحمد السقا، سمية الخشاب، باسم سمرة، حمدي المرغني، أيتن عامر، حسن شاكوش، نجلاء بدر، أحمد حسام ميدو، حمادة هلال، محمد رياض، باميلا الكيك، محمد شاهين، حسن عسيري، وغيرهم.
