بقلم: مهندس عزمي إبراهيم
شبابنا الحر قام بالثورة وقال لمبارك ارحل غـور
شباب متشوَّق لشعاع نـور
قـام بالثـورة عشان حُرِّيـَّـة
ديموقراطيـَّـة إنسانيـَّـة
عايـز دولة تكون حَضَريـَّـة
تحمي الأديان لكن مدنيـَّـة
وكـان "ببساطة" حَسِـن النيـَّـة
دخل في صفوفُـه عَميـل وخَسيـس
أســوأ صنـف من الجواسيـس
شغل عقارب.. شغل تعالب.. شغل ابليـس
من الأخـوان ومعاهم ميـن
هَدَفـهم سُلطـة بإسـم الديـن
***
وراح طنطاوي زي الحاوي
بكل تراخي وكل فجُـور
سواء متهاون أو متعَمِّـد أو مأجُـور
سـابها لخَوَنَـة خُبَثـا ومَرضَى
غَـرَّقـوا مصر في فيضان فوضَى
طـاف ع السطح.سماسرة ديـن
تُجّـار ملاعيـن
***
قلنـا: نبـدأ بالدستـور
قالـوا: انتخابات.بعدهـا دستـور
آل علشان يسُوقوا الحنطور ربطوا حصانهم ورا الحنطـور
زي عروسة في ليـلة الدخـلة وهيَّ حِبـلـَى بقالـها شهـور
***
شُـفت المصري في الانتخابات واقـف يبكي جنب السـور
قال: اخترتـه!!!!
قولتـله: قولـِّي اخترتـه ليـه؟؟
والا تعـرف عنـه إيـه؟؟
قاللي اعذرني وما تلومنيش أنا أصلي عبد المأمـور
***
ظنُّـوا المصري داقِـق عصفور
أو فاكرينه لابس طرطـور
المصري الحُـر قَبَـل المُـر
علشان فقـره أو من جوعـه أو من جَهلـُـه
علشان حاجته ولقمة عيشُـه، وعلشان أهلـُـه
علشان بس يعيش مستـور
***
سرقوا الثـورة من كام شهـر
بدروا الفوضى وشاع الفقـر
ودلوقـتي بيسرقـوا مصـر
صبحت مصر.. بدل القصر
دولاب مكسور
***
جالنـا رئيـس لعصر جديـد
غصب عنا بالإرهاب وبالتهديـد
وبالتزوير..رئيس بالـزور
محمد مرسي.. سـرق الكرسي
غصبٍ عنّـا، وقبلنـاه
حَبَّـه ف حَبَّـه كشفنـا اسـرارُه
حَبَّـه ف حَبَّـه دُقنـا مَـرارُه
أهل زمان قالوا في الأمثال سكتنـاله دخـل بحمـاره
***
حَبَّـه ف حَبَّـه بان على أصلـُـه
سابنـا وحَيـّـا عشيرته وأهـلـُـه
واستأسِـد وكشف أنيابـُه
وسَـيِّـب على شعبُـه كلابـُه
وطني الحلـو وَصَل لخرابـُه
فقـر وجوع وهَـم وويـل
الشعـب المصري فاض به الكيـل
هَـبّ المـارد على الجبـار
بصوت الرعـد ولهَـب النـار
الحريــة فجــر نهــار
بشايرها على باب الـدار
يَللا يا شعب صُـد العـار
أغضب واضرب.. خُـد بالتـار
***
شبابنا الحر قام بالثورة وزي ما قال لمبارك غـور
كل الشعب
كل الشعب
"المـارد المصري"
حيخلغ مرسي من ع الكرسي
وبرضه يقول له ارحَل غـور
خلـّي مصر تشوف النُـور
بالصور ..الرئيس يصفهم بالمخربين .. والثوار يردون بلافتات ساخرة وتطالبه بالرحيل
English
