د. أمير فهمى زخارى
كتيرمن اهالينا كبار وصغيرين دلوقتي بيعانوا من الكوليسترول وكتير منهم ميعرفوش هو اى انواعه واسبابه ...
عشان كده هنتكلم النهارده معاكم عشان نعرفكم ونعرفهم اي هو الكوليسترول وأنواعه أسبابه !!
الكوليسترول :-
هو مادة دهنية موجودة بشكل أساسي في خلايا الأنسان وبيلعب دور مهم جدا في عملية التمثيل الغذائي وبيتم تصنيعه في الكبد وعندما يرتفع عن المستوي الطبيعي يسبب العديد من المشاكل مثل الجلطات القلبية وتصلب الشرايين 😲😲
ودلوقتي هنتكلم عن أنواع الكوليسترول اللي معظمنا لما بيطلب منه التحاليل مش بيفهم هي اي ؟؟
1️⃣ الكوليسترول المنخفض الكثافة (LDLs):- هو كوليسترول ضار بالجسم ويكون مملوء بالدهون بشكل كبير ويؤدي الي انسداد في الشرايين كما موضح بالصورة.
2️⃣ الكوليسترول العالي الكثافة (HDLs):- هو الكوليسترول الجيد الذي ينقل الدم الي جميع أنحاء الجسم بفاعلية ولذلك يقلل من الأمراض القلبية المختلفة ، وكلما كانت نسبة تركيزه في الدم أعلي كان أفضل.
3️⃣ كوليسترول الدم:- يوجد بشكل خاص في الدم.
4️⃣ كوليسترول الأغذية:- هو مايحصل عليه الجسم عن طريق تناول الأطعمة المختلفة.
طب نيجي للسبب المهم والرئيسي لارتفاع الكوليسترول زي ما شايفين في الصورة بالظبط و هو الأكثار من تناول المأكولات التي تحتوي علي دهون عالية مثل البشاميل والشوكلاتة والبرجر
و أستنوا كمان المعلومة الجاية عن طرق الوقاية من الكوليسترول وأكثر الحالات عرضة للأصابة بالكوليسترول.
وإلى اللقاء فى الجزء الثالث من حكايه الكوليسترول..
