محرر الأقباط متحدون
القاهرة - العربية.نت: دافع الفنان مصطفى كامل، نقيب المهن الموسيقية، عن مطربي المهرجانات، وكشف أيضًا عن تفاصيل خلافه مع الناقد الفني طارق الشناوي بسبب هجوم الأخير على مصطفى قمر، وتحدث أيضًا عن علاقته بالمطرب محمد فؤاد.
هجوم على طارق الشناوي:
خلال حلوله ضيفًا على برنامج "العرافة" للإعلامية بسمة وهبة على شاشة قناة المحور، قال مصطفى كامل: "أتمنى ما يكونش ليا علاقة بيه، أنا مش عارف هو عايز إيه، ده واحد قاعد ماسك كوباية الشاي وعمال يشتم الناس ويهينهم".
وأضاف كامل: "مسمحش لحد يغلط في حد أنا احتويته أو لحد في حمايتي حتى لو مطرب مهرجانات اللي أنا دفعت عنهم واتبنيتهم".
علاقة مع محمد فؤاد:
وعن علاقته بالفنان محمد فؤاد، قال مصطفى كامل: "ده حبيبي وعشرة عمر، ومفيش بيني سن، والكلام ده احنا بنقابل بعض بيقولي يا ولا وبقوله ياض عادي".
وتابع: "إنه مكتبش اسمي على أغنية ليه من كتابتي زعلني شوية ولكن إحنا أسرة بنزعل وبعدها بنرجع نتصالح تاني وأنا نسيت الموضوع ده من زمان، وهو قالي أن نسيت معلش حقك عليا".
دافع عن مصطفى قمر:
وتحدث مصطفى كامل عن دافعه عن مصطفى قمر وهجومه على طارق الشناوي، فقال: "أنا مسمحش لحد أنه يغلط في زميل ليا، ومصطفى قمر ده عشرة عمري، وكرسي النقابة ده اللي ملجمني وممكن اسيبه بكرة عادي، أنا أهم حاجة عندي أصدقائي وعلاقتي بيهم".
رد بسمة وهبة:
ردت بسمة وهبة على هجوم مصطفى كامل على طارق الشناوي قائلة: "أيوه ما أنت قبضت منهم 80 مليون جنيه".
