ترنيمة بقلم : زهير دعيم
يسوع بِينادي... تعال يا خاطي
سلّم أمورَك... لأحلى الأيادي

بيكفي تركُض خلف المُحال
وتقلع من كرمَك زهر الامال
يسوع بيقولّك : انت فِ البّال
يسوع بيقولّك : انت فِ البّال
+++

الزّمن غفلة وبُخار بيزول
والعُمر بيخلَص مهما يطول
فكّر بأمرك ، فكّر عَ طول
الوقت بعدو وقت مقبول
+++

رغم القوّة ورغم الشّباب
ما حدا بيعرف ساعة الغِياب
اركع واسجدْ لربّ الأرباب
وقلّوا ابنَك أنا الّلي غاب