بقلم الكاتبة الصحفية - أمانى سليمان
يا حلم سارح بخيالك.. ادينى فكرة وقولى مالك.. سيبك من اللي فات ملهوش ذكرى.. أصل هو بيعدى بدون فكرة.. يمكن تكون عايش فى أمور بتيجى فى لحظة تهون على طول وترجع مكسور وتندم على حلم لساته يدوب.. أنا بكلمك
ياحلم مبحر فى بحوره البعيدة.. أصبر واهدى يمكن يعدى بتنهيده.. همهم فى قلبك وقوله ديه رحلة ثقيلة.. يمكن بشاركك فيها
يا حلم جايز مش راجع أوعى تصحى جروح فى مشاعر سيبها وارحل وهتيجى الفرصة يمكن تكره قلبه ده بكره.. أصلى بحذرك ويكون عندك فكرة
يا حلم مشارك فى رحلة نسيانى وصلنى لمكانى وقف من تانى وانهض وعدى بالصعب لامانى يمكن تكون مجرد اغانى.. ماهو بحفزك عايز إيه تانى
ياحلم مبتور بتأخذنى لحنين من وجع السنين يمكن يكون في أمل.. أصلك مستنى من زمن
