د.أمير زخارى
2- ما متحطيش التوابل في كيس واحد مع بعض (كيس عند العطار باسم مجموعه توابل), عشان ريحتهم وطعمهم ما يغيرش.
3- لو الحلة سخنت على النار ما تحطيش السمنه او الزيت على طول هيتحرقوا حطي البصل الى ها تستعمليه هياخد الحرارة وبعدين حطي المادة الدهنية.
4- لمنع تطاير رذاذ القلي، رش قليلا من الملح في طاسه القلية.
5- اى حاجه على النار عاوزين تزودوها ميه لازم الميه تكون سخنه جدا.
6- حتى لا يستهلك الباذنجان كميه كبيره من الزيت أثناء القلي، أغمسيه في البيض المخفوق قبل قليه.
7- لو بتعملى الكيك بالسمنة اضربى السمنه مع السكر وبعدين ضيفى بيضه بيضه، لو بتعملى الكيك بالزيت اضربى السكر مع البيض الاول وبعدين ضيفى الزيت.
8- للتقليل من امتصاص الأكل للزيت، أضيفى ملعقة خل لزيت القلي.
9- لما تشترى الكنافة، اشتريها بايته، بتبقي مش معجنه ف بعض زى الطازه... وهاتيها وحطيها ف الفريزر، وطلعيها ع الاستخدام على طول... تفتيها ها يكون أسهل بكتير وهي مجمده.
10- وانتى بتطبخى او بتعملى رز استخدمى سمنه على زيت.
11- عندما ينسكب الزيت على الأرض، لا تمسحيه بقطعه قماش، لان القماش يمتصه بصعوبة، وبالتالي ينتشر على الأرض... بدل ذلك قومي برش قليل من البودرة أو الدقيق فوق الزيت المسكوب فيمتصه. بعد ذلك أزيلي البودرة بواسطة المكنسة، وأغسلى مكان البقعة بالماء.
12- ضعى بعض عصير الليمون على سطح التفاحة المقطعة، لمنع تحول لونها الى البنى فتبدو طازجة لوقت أطول.
13- قبل ما تحطي اللبن فى الحلة على النار حطي معلقتين ميه لا يمكن يلزق ابدا.
14- فى اكلات ماينفعش نغطى الحلة واحنا بنسويها زى العدس والبصارة والويكه والرز بلبن والمهلبية والمربات.
15- فى اكلات ماينفعش نغطى الحلة بعد ما نسويها مش واحنا بنسويها بس زى الملوخية (بعد اضافه الطشة) والسبانخ ده وهما لسه سخنين طبعا حتى لا تسود.
16- لا تكشفي عطاء حله ورق العنب وهو ساخن، حتى لا يسود لونه (عكس الملوخية والسبانخ).
17-الفانيليا يمكن تضيفيها على أي عصير، بتديله طعم تحفه وممكن تضاف على الفيشار والسحلب.
18- لإزاله رائحة الأكل من الثلاجة، قومي بوضع بطاطس بدون قشر فيها، فهي تقوم بامتصاص الروائح منها.
19- لإنقاذ طبختك المحروقة، ارفعى الحلة من على النار وغطسيها في ماء بارد، حتى لا ينتقل طعم الشياط الى الأجزاء السليمة من الطعام.
20- وانتى بتنقى الليمون، هتلاقى واحده قشرتها ملساء وواحده قشرتها خشنة، هاتى الملساء لأن عصيرها بيكون اكتر.
وللحديث بقية من نصائح علميه فى المسائل المنزلية... تحياتي.
